ପିପିଲି:ପିପିଲି ବ୍ଲକ କଣ୍ଟି ପଞ୍ଚାୟତ ଅନ୍ତର୍ଗତ କାକୁଡିଆ ଠାରେ ଚାଲିଥିବା କାକୁଡ଼ିଆ ଗୋପିନାଥ ଦେବ ପ୍ରିମିୟର ଲିଗ୍ କ୍ରିକେଟ(ଜିପିଏଲ) ଟୁର୍ଣ୍ଣାମେଣ୍ଟ ସମାରୋହରେ ଉଦଯାପିତ ହୋଇଯାଇଛି। ଏହାର ଫାଇନାଲ ମ୍ୟାଚ୍ରେ ଷ୍ଟାର ୧୧ କ୍ରିକେଟ୍ ଟିମକୁ ହରାଇ କାକୁଡ଼ିଆ ବାବା ତ୍ରୀନାଥ କ୍ରିକେଟ କ୍ଲବ(ବିଟିସିସି)ଫାଇଟର ଟିମ ଚମ୍ପିୟାନ ହୋଇଛି। ଏହି ଅବସରରେ ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ଅତିଥି ଭାବେ ବରିଷ୍ଠ ସାମ୍ବାଦିକ ରାଜକିଶୋର ସ୍ୱାଇଁ ଯୋଗଦେଇ କ୍ରିକେଟ ଖେଳ ଅଞ୍ଚଳରେ ଭାଇଚାରା ସୃଷ୍ଠି କରୁଛି ବୋଲି ମତବ୍ୟକ୍ତ କରିବା ସହ ବିଜେତା ବିଟିସିସି ଟିମକୁ ସିଲଡ଼ ଓ ଷ୍ଟାର ୧୧ ଟିମକୁ ରନର୍ସ କପ ପ୍ରଦାନ କରାଯାଇଥିଲେ।
ଏହି ଟୁର୍ଣ୍ଣାମେଣ୍ଟରେ ବିଜୟ ବେହେରାଙ୍କୁ ମ୍ୟାନ୍ ଅଫ ଦି ମ୍ୟାଚ୍ ଓ ମ୍ୟାନ୍ ଅଫ ଦି ସିରିଜ ଭାବେ ପୁରସ୍କୃତ କରାଯାଇଥିଲା। ଅମ୍ପେୟାର ଭାବେ ଜ୍ୟୋତିରଂଜନ ସ୍ୱାଇଁ ଓ ସାଗର ବେହେରା ମ୍ୟାଚ ପରିଚାଳନା କରିଥିଲେ। ଅନୁଷ୍ଠାନର ପ୍ରବୋଧ କୁମାର ଦାଶ, ବିନୋଦ ଦାଶ, ଗୋପିନାଥ ଜେନା, ଦିଲ୍ଲୀପ କୁମାର ବେହେରା, ବିଜୟ ବେହେରା, ସତ୍ୟ ବେହେରା, ନବ ବେହେରା, ଚିତ୍ତ ସାହୁ, ପ୍ରତାପ ପରିଡ଼ା ଓ ଆଲୋକ ବେହେରା ପ୍ରମୁଖ ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ।
