ବେଙ୍ଗାଲୁର – କର୍ଣ୍ଣାଟକରେ ଘଟିଛି ଏକ ଅଭାବନୀୟ ଘଟଣା । ଜଣେ ଯୁବକ ହେମନ୍ତ ଦତ୍ତା ଅନ୍ଲାଇନ୍ ଆଇଫୋନ୍ ମଗାଇଥିଲା । ତାଙ୍କ ନିକଟରେ ଏହାକୁ କିଣିବା ପାଇଁ ଟଙ୍କା ନଥିଲା । ସେ ଅନ୍ଲାଇନ୍ ସାଇଟ୍ରୁ ଏକ ପୁରୁଣା ବା ରିଫବ୍ରିସ୍ଡ୍ ଆଇଫୋନ୍ କ୍ୟାଶ୍ ଅନ୍ ଡେଲିଭରୀରେ ଏ ମଗାଇଥିଲା । ଫୋନ୍କୁ ନେଇ ଯୁବକଙ୍କ ନିକଟକୁ ଡେଲିଭରୀ ବୟ ଆସଥିଲେ । ସେହି ୨୦ ବର୍ଷିୟ ଯୁବକଙ୍କ ମସ୍ତିଷ୍କରେ ଚାଲିଥିଲା ଭୟଙ୍କର ଚକ୍ରାନ୍ତ । ଆଇଫୋନ୍ ହାତେଇବା ପାଇଁ ରଚିଥିଲା ଭୟାନକ ଷଡଯନ୍ତ୍ର ।
ଡେଲିଭରୀ ବୟ ଫୋନ୍ କରିବାରୁ ତାଙ୍କୁ ଘରକୁ ଆସିବା ପାଇଁ କହିଥିଲା । ଡେଲିଭରୀ ବୟ ସେହି ସ୍ଥାନରେ ପହଞ୍ଚିବାରୁ ହେମନ୍ତ ଦତ୍ତା ଡେଲିଭରୀ ବୟକୁ ଘର ଭିତରକୁ ଡାକି ଛୁରୀ ଭୁଷି ହତ୍ୟା କରିଥିଲା ।
A 20 year old man killed an E kart delivery guy, kept the body three days in his home, and burnt the body later all for an obsession for an #iPhone which he didn’t have financial means to pay. Hemanth Dutt of Ariskere town in #Hassan #Karnataka has been arrested- thanks to cctv pic.twitter.com/FIHLtMHqqY
— Imran Khan (@KeypadGuerilla) February 19, 2023
ହତ୍ୟା କରିବାର ତିନି ଦିନ ପର୍ଯ୍ୟନ୍ତ ଡେଲିଭରୀ ବୟଙ୍କ ଶବକୁ ନିଜ ଘରେ ରଖିଥିଲା । ତାଙ୍କର ଗାଡି ଏବଂ ବ୍ୟାଗ୍ ଅନ୍ୟ ସ୍ଥାନରେ ଲୁଚାଇ ରଖିଥିଲା । ପରେ ଡେଲିଭରୀ ବୟ ଶବକୁ ଏକ କଳା ଜରିରେ ବାନ୍ଧି ନିଜ ସ୍କୁଟିରେ ରାତିରେ ଅନ୍ୟ ସ୍ଥାନକୁ ପୋଡିବା ପାଇଁ ନେଇଥିଲା । ଏହାର ଭିଡିଓ ବିଭିନ୍ନ ସିସିଟିଭିରେ କଏଦ ହୋଇଛି ।
ପରେ ଏକ ରେଳଷ୍ଟେସନ୍ ନିକଟରେ ଡେଲିଭରୀ ବୟ ଶବକୁ ଜାଳି ଦେଇଥିଲା । ପୁଲିସ ଅଧାଜଳା ଶବ ବିଷୟରେ ସୂଚନା ପାଇବା ପରେ ବିଭିନ୍ନ ସିସିଟିଭି ଯାଞ୍ଚ କରିଥିଲା । ଏଥିରେ ହେମନ୍ତ ଶବକୁ ନେଇ ରାତି ୪ଟାରେ ସ୍କୁଟିରେ ଯାଉଥିବା ଦେଖିବା ପାଇଁ ପାଇଥିଲା । ପୁଲିସ ହେମନ୍ତକୁ ଧରି ପଚରା ଉଚରା କରିବାରୁ ସେ ହତ୍ୟା ଘଟଣା ବିଷୟରରେ ସ୍ୱୀକାର କରିଛି ।
