ସମ୍ବଲପୁର: ସମ୍ବଲପୁରର ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା କେନ୍ଦ୍ରରେ ବିଶିଷ୍ଟ ସ୍ୱାଧିନତା ସଂଗ୍ରାମୀ ଓ ଓଡ଼ିଶା ଏକତ୍ରିକରଣ ଆନ୍ଦୋଳନର ଅନ୍ୟତମ ପ୍ରମୁଖ ପୁରୋଧା ଚନ୍ଦ୍ରଶେଖର ବେହେରାଙ୍କ ଜନ୍ମ ବାର୍ଷିକୀ ଅବସରରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି। ଭାରପ୍ରାପ୍ତ ପ୍ରଧାନ ଶିକ୍ଷକ ବ୍ରଜ ହୋତାଙ୍କ ସଭାପତିତ୍ୱରେ ମଙ୍ଗଳବାର ଅୟୋଜିତ ଏହି ସଭାରେ ଚନ୍ଦ୍ରଶେଖର ବେହେରାଙ୍କ ପ୍ରତିକୃତୀରେ ପୁଷ୍ପମାଲ୍ୟ ଅର୍ପଣ କରାଯାଇ କାର୍ୟ୍ୟକ୍ରମକୁ ଆରମ୍ଭ କରାଯାଇଥିଲା। ଚନ୍ଦ୍ରଶେଖର ବେହେରାଙ୍କ ୧୫୦ତମ ଜନ୍ମ ବାର୍ଷିକୀ ସମିତିର ଆବାହକ ରାମାନୁଜ ପଣ୍ଡା ସଭାର ଉଦ୍ଦେଶ୍ୟ ସର୍ମ୍ପକରେ ନିଜର ବକ୍ତବ୍ୟ ରଖିଥିଲେ। ମୁଖ୍ୟ ଅତିଥି ଡ. ସନ୍ତୋଷ କୁମାର ଦାଶ ସ୍ୱାଧିନତା ସଂଗ୍ରାମରେ ତାଙ୍କର ଅବଦାନ ଓ ଓଡ଼ିଶା ଏକତ୍ରିକରଣରେ ତାଙ୍କର ଭୂମିକା ସର୍ମ୍ପକରେ ଆଲୋଚନା କରିଥିଲେ। ଏଥି ସହ ମୁଖ୍ୟ ଅତିଥି ଡ. ଦାଶ ଆଗାମୀ ଦିନରେ ଆୟୋଜିତ ହେବାକୁ ଥିବା ସ୍ମାରକୀ ବକ୍ତୃତା ପ୍ରତିଯୋଗିତାର ପୁରସ୍କାର ରାଶି ନିଜେ ପ୍ରଦାନ ପାଇଁ ଘୋଷଣା କରିଥିଲେ। ଅନ୍ୟ ମାନଙ୍କ ମଧ୍ୟରେ ପ୍ରଫୁଲ୍ଲ ହୋତା, ଅଶୋକ ମିଶ୍ର ଙ୍କ ସମେତ ଅନେକ ମାନ୍ୟଗଣ୍ୟ ବ୍ୟକ୍ତି ସଭାରେ ଉପସ୍ଥିତ ରହିଥିଲେ।
Popular Categories
Previous article
Next article