ଅଗରତାଲା : ଆସନ୍ତା ୧୬ରେ ତ୍ରିପୁରା ବିଧାନସଭା ନିର୍ବାଚନ ପାଇଁ ଭୋଟଗ୍ରହଣ ହେବ। ଏଥିନିମନ୍ତେ ଗୁରୁବାର ବିଜେପି ତରଫରୁ ଇସ୍ତାହାର ଜାରି କରାଯାଇଛି। ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ଇସ୍ତାହାର ଘୋଷଣା କରିଥିଲେ। ବିଜେପି ଇସ୍ତାହାରରେ ସମସ୍ତଙ୍କ ପାଇଁ ୫ଟଙ୍କାରେ ଭୋଜନ ବ୍ୟବସ୍ଥା, ଜନଜାତି ଅଞ୍ଚଳର ବିକାଶକୁ ଅଧିକ ଗୁରୁତ୍ବ, ଅଗରତାଲାରେ ରିଜିଓନାଲ୍ ଇନ୍ଷ୍ଟିଚ୍ୟୁଟ ଅଫ୍ ମେଡିକାଲ ସାଇନ୍ସ ହସପିଟାଲ ପ୍ରତିଷ୍ଠା, କୃଷକଙ୍କୁ ଆର୍ଥିକ ସହାୟତା, ଶିଳ୍ପର ବିକାଶ ପାଇଁ ପଦକ୍ଷେପ ଆଦି ପ୍ରସଙ୍ଗ ରହିଛି। ସେହିପରି ପ୍ରତି ବାଳିକାଙ୍କୁ ୫୦ ହଜାର ଟଙ୍କା ପ୍ରଦାନ ନେଇ ଇସ୍ତାହାରରେ ଦର୍ଶାଯାଇଛି। ତ୍ରିପୁରାରେ ରବର, ବାଉଁଶ ଓ ଅନ୍ୟ ବନ୍ୟଜାତ ଦ୍ରବ୍ୟକୁ ନେଇ ଉଦ୍ୟୋଗ ପ୍ରତିଷ୍ଠା କରାଯିବ ବୋଲି ନଡ୍ଡା ଘୋଷଣା କରିଥିଲେ।
Popular Categories
Previous article
Next article