କଣ୍ଟାବାଞ୍ଜି: ଆମ ଆଦମୀ ପାର୍ଟିର ଜୋନସ୍ତରୀୟ କାର୍ଯ୍ୟକର୍ତ୍ତା ସମ୍ମିଳନୀ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ତୁରେକେଲା ବ୍ଲକ ୧୧ ନମ୍ବର ଜୋନର ବୈଠକ ଧାମନଡଙ୍ଗାଠାରେ ଅନୁଷ୍ଠିତ ହୋଇଯାଇଛି। ପାର୍ଟିର ଧାମନଡଙ୍ଗା ପଞ୍ଚାୟତ ସଭାପତି ଡୋଲାମଣି ମହତଙ୍କ ସଭାପତିତ୍ବରେ ଆୟୋଜିତ ସଭାରେ ନିର୍ବାଚନ ମଣ୍ଡଳୀର ସଂଯୋଜକ ସୁରଥ ବେହେରା ମୁଖ୍ୟ ଅତିଥି, ପୂର୍ବତନ ଜିଲ୍ଲା ପରିଷଦ ପ୍ରାର୍ଥୀ କ୍ଷେତ୍ରବାସୀ ତାଣ୍ଡି ମୁଖ୍ୟ ବକ୍ତା, ଜୋନ ପ୍ରଭାରୀ ଗୋର୍ବଧନ ବେହେରା, କଣ୍ଟାବାଞ୍ଜି ଟାଉନ ସଭାପତି ବିଷ୍ଣୁ ପୁଞ୍ଜି ସମ୍ମାନୀତ ଅତିଥି ରୂପେ ଯୋଗ ଦେଇଥିଲେ । ଅତିଥିମାନେ ଆମ ଆଦମୀ ପାର୍ଟିର ଶିକ୍ଷା, ସ୍ବାସ୍ଥ୍ୟ, ବିଜୁଳି, ପାଣି, ରୋଜଗାରର ନୀତିକୁ ଘରଘର ପହଞ୍ଚାଇବାର ସଂକଳ୍ପ ନେଇଥିଲେ। ଏହି ଅବସରରେ ବିନୋଦ ପୁଟେଲଙ୍କୁ ୧୧ ନମ୍ବର ଜୋନ ସଭାପତି ରୂପେ ମନୋନୀତ କରାଗଲା । ସଭାରେ ଅବସରପ୍ରାପ୍ତ ଆଙ୍ଗନୱାଡି ସୁପରଭାଇଜର ସୁନିତି ରଣା, ବିଜେଡିରୁ କୃଷ୍ଣଚନ୍ଦ୍ର ସାହୁ ସହ ଅନ୍ୟ ଦଳର କର୍ମୀମାନେ ଆପରେ ଯୋଗଦେଇଛନ୍ତି। ଏହି ଅବସରେ ଜମ୍ବୁ ଛୁରା, ଗୋପାଳ ରଣା, ଭୀମରାଜ ଅଦା, ସୁରେନ୍ଦ୍ର ରଣା, ଯୁଲାମଣି ସୁନା, ଟିକେ ମାଝୀ, ନିମାକର ମାଝୀ, ତୀର୍ଥ ରଣା, ବିସଂବରତାଣ୍ଡି, ଅଗଷ୍ଟ ହଂସ, ସରକାର ବଂଛୋର, ଗୋପୀ ଦାସ, ହରି ଦାସ,କେଶବ ମାଝୀ, ଦେବରାଜ ଲୁହା ପ୍ରମୁଖ ସହଯୋଗ କରିଥିଲେ।
Comments are closed.