କଟକ : ଆଉ ଗୋଟିଏ ଦିନ ବଢିଲା ଐତିହାସିକ କଟକ ବାଲିଯାତ୍ରା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ ପରେ ଗୋଟିଏ ଦିନ ବୃଦ୍ଧି ହେଲା ବାଲିଯାତ୍ରା । ଏନେଇ ଆଜି କଟକ ଜିଲ୍ଲାପାଳ ଭବାନୀ ଶଙ୍କର ଚୟନିଙ୍କ ପକ୍ଷରୁ ସୂଚନା ମିଳିଛି । ବୁଧବାର ବାଲିଯାତ୍ରା ଶେଷ ହେବାକୁ ଥିବା ବେଳେ ଗୁରୁବାର ବାଲିଯାତ୍ରା ସରିବ ।
ବାଲିଯାତ୍ରାରେ ଲୋକଙ୍କ ବୁଲିବା ଆଗ୍ରହ,ଉତ୍ସାହକୁ ଦୃଷ୍ଟିରେ ରଖି ଆଉ ୨ ଦିନ ବୃଦ୍ଧି କରିବାକୁ କଟକ ମେୟର ସୁବାସ ସିଂହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଠି ଲେଖିଥିଲେ । ସୋମବାର ଏନେଇ ସିଏମସିର ବୈଠକରେ ଆଲୋଚନା ହେବା ପରେ ନିଗମ ପକ୍ଷରୁ ସରକାରଙ୍କୁ ବିଧିବଦ୍ଧ ପ୍ରସ୍ତାବ ଦେଇ ଚିଠି ଲେଖାଯାଇଥିଲା । ଗତ ୮ ତାରିଖରୁ କାର୍ତ୍ତିକ ପୂର୍ଣ୍ଣିମାରୁ ଆରମ୍ଭ ହୋଇଥିଲା ଐତିହାସିକ ବାଲିଯାତ୍ରା ।
