୧୮୭୫ ନଭେମ୍ବର ୧୫ରେ ଝାଡ଼ଖଣ୍ଡର ଉଲିହାଟୁ ଗାଁରେ ବିର୍ସା ମୁଣ୍ଡା ଜନ୍ମଗ୍ରହଣ କରିଥିଲେ । ପିଲାଟି ଦିନରୁ ସେ ନିର୍ଭୀକ, ସାହସୀ, ସ୍ବାଧୀନଚେତା ଥିଲେ। ସେ ସମୟରେ ବିଦେଶୀ ଶାସନ ଅତ୍ୟାଚାରରେ ଆଦିବାସୀମାନଙ୍କୁ ମଧ୍ୟ ଶୋଷଣ କରାଯାଉଥିଲା । ସେତିକିବେଳେ ବିର୍ସାଙ୍କ ନେତୃତ୍ବରେ ସମସ୍ତେ ଏକଜୁଟ ହେଲେ। ଆଦିବାସୀମାନେ ତାଙ୍କୁ ନେତା ତଥା ଲୋକନାୟକ ଭାବେ ଗ୍ରହଣ କରିଥିଲେ। ୧୯୦୦ ମାର୍ଚ୍ଚ ୩ରେ ବିର୍ସା ଚକ୍ରଧରପୁର ନିକଟସ୍ଥ ଜାମକୋ ଜଙ୍ଗଲରେ ନିଜ ଗରିଲା ବାହିନୀକୁ ସ୍ବାଧୀନତା ସଂଗ୍ରାମ ଜାରି ରଖିବା ସହ ମାଦକ ଦ୍ରବ୍ୟ ସ୍ପର୍ଶ ନ କରିବା ଓ ପରିବେଶ ପରିଷ୍କାର ରଖିବାକୁ ଭାଷଣ ଦେଉଥିଲେ । ବ୍ରିଟିଶ୍ ସୈନ୍ୟମାନେ ହଠାତ୍ ପହଞ୍ଚି ଆକ୍ରମଣ କଲେ। ପ୍ରାୟ ୩୦୦ଜଣ ଆଦିବାସୀ ଓ ବିର୍ସା ମୁଣ୍ଡାଙ୍କୁ ଗିରଫ କରାଗଲା। ଜୁନ୍୯ରେ ରହସ୍ୟଜନକ ଭାବେ ବିର୍ସା ଜେଲରେ ପ୍ରାଣ ହରାଇଥିଲେ। ଆଦିବାସୀଙ୍କ ଗହଣରେ ସେ ଧରତି ଆବା ବା ‘ଭଗବାନ ବିର୍ସା’ ଭାବେ ପୂଜନୀୟ। ବିର୍ସାଙ୍କ ସ୍ମୃତିରେ ଦେଶରେ ଅନେକ ସ୍ମୃତି ସ୍ତମ୍ଭ ନିର୍ମିତ ହୋଇଛି । ତାଙ୍କ ନାମରେ ରାଞ୍ଚି ବିମାନ ବନ୍ଦର ମଧ୍ୟ ନାମିତ । ଏହି ମହାନ୍ ସ୍ବାଧୀନତା ସଂଗ୍ରାମୀଙ୍କ ଜନ୍ମଦିନକୁ ଭାରତ ବର୍ଷରେ ‘ ଜନଜାତୀୟ ଗୌରବ ଦିବସ’ ଭାବେ ପାଳନ କରାଯାଉଛି।
Popular Categories
Previous article
Next article