ଦେବଗଡ଼: ଚାଷୀଙ୍କ ନିଦ ହଜାଇ ଦେଇଛନ୍ତି ୨୫ଟିକିଆ ହାତୀ ପଲ। ଦେବଗଡ଼ ବନଖଣ୍ଡ ଅଞ୍ଚଳରେ ଦିନକୁ ଦିନ ହାତୀ ଉପଦ୍ରବ ବୃଦ୍ଧି ପାଉଥିବା ବେଳେ ଚାଷୀ ବ୍ୟାପକ କ୍ଷୟକ୍ଷତିର ସମ୍ମୁଖୀନ ହେଉଥିବା ଦେଖାଯାଉଛି। ଏହି କ୍ରମରେ ଦେବଗଡ଼ ବନାଞ୍ଚଳ ଲଇମୁରା ସେକ୍ସନ ଅନ୍ତର୍ଗତ ରାଇତାଳ ଗ୍ରାମରେ ହାତୀ ଉପଦ୍ରବ ଯୋଗୁଁ ବ୍ୟାପକ ପନିପରିବା ଏବଂ ଧାନ ଫସଲ ନଷ୍ଟ ହୋଇଥିବା ଦେଖାଯାଇଛି। ପ୍ରାୟ ୫ ଏକର ଜମିରେ ହୋଇଥିବା ଫୁଲକୋବି, ଟମାଟୋ ଓ ବାଇଗଣ ଆଦି ପନିପରିବା ମାଡିଦଳି ନଷ୍ଟ କରି ଦେଇଥିବା ଦେଖାଯାଇଛି। ଏଥିସହ ଗାଁର ବହୁ ଚାଷୀଙ୍କର ଚାଷଜମିରେ ପଶି ଧାନ ଚାଷ ମଧ୍ୟ ନଷ୍ଟ କରିଥିବା ଅଭିଯୋଗ ହୋଇଛି। ମଙ୍ଗଳବାର ରାତି ଏବଂ ବୁଧବାର ସଂଧ୍ୟାରେ ୨୫ ଟିକିଆ ହାତୀପଲ ଉକ୍ତ ଗାଁରେ ପଶି ବିପିନ ବିହାରୀ ପ୍ରଧାନ, କୁଶଧର ପ୍ରଧାନ, ହୃଦାନନ୍ଦ ପ୍ରଧାନ, ଲବଧର ପ୍ରଧାନ, ବସନ୍ତ ପ୍ରଧାନ, ଗଙ୍ଗାଧର ବେହେରା, ଜଗବନ୍ଧୁ ବେହେରା, ଦୁବରାଜ ବେହେରା, ଅଖିଳ ବେହେରା, ଗୌରାଙ୍ଗ ପ୍ରଧାନ ଓ ପ୍ରଶାନ୍ତ ପ୍ରଧାନଙ୍କ ଛାଷ ଜମିରେ ବ୍ୟାପକ କ୍ଷୟକ୍ଷତି ଘଟାଇଥିବା ଜଣାପଡ଼ିଛି। ସୂଚନା ପାଇ ବନ ବିଭାଗ କର୍ମଚାରୀମାନେ ସେଠାରେ ପହଞ୍ଚିବା ସହ ଗ୍ରାମବାସୀଙ୍କ ସହାୟତାରେ ହାତୀ ପଲକୁ ଘଉଡ଼ାଇବାକୁ ଉଦ୍ୟମ କରୁଥିବା ଜଣାପଡ଼ିଛି।
Popular Categories
Previous article
Next article