ପାଟଣା – ଢେଙ୍କିକୋଟ ଫାଣ୍ଡି ଅନ୍ତର୍ଗତ ଭାଲୁକିପତଳା ଗ୍ରାମର କୈଳାସ ମହାନ୍ତଙ୍କ ପୁଅ ପ୍ରତୀକ ମହାନ୍ତ (୨୮) କାନଝରୀ ବନ୍ଧରେ ବୁଡି ନିଖୋଜ ଥିବା ଅଭିଯୋଗ ହୋଇଛି । ଖବର ପାଇ ପାଟଣା ଅଗ୍ନିଶମ ବାହିନୀର ଓଡ୍ରାଫ୍ଟ ଦଳ ରବର ବୋଟ ସାହାଯ୍ୟରେ ନଦୀ ବନ୍ଧ ଭିତରେ ଅକ୍ଲାନ୍ତ ପରିଶ୍ରମ କରି ଖୋଜାଖୋଜି କରିଥିଲେ ମଧ୍ୟ ପ୍ରତୀକ ମହାନ୍ତ ଙ୍କ ସନ୍ଧାନ ମିଳିନାହିଁ ।
ଗତକାଲି ଅପରାହ୍ନରେ କାନଝରୀ ଅଞ୍ଚଳକୁ ବୁଲିବାକୁ ଯାଇଥିବା ପ୍ରତୀକଙ୍କ ବାଇକଟି ବନ୍ଧର ୨ ନଂ ଫାଟକ ରାସ୍ତାରେ ଠିଆ ହୋଇରହିଥିବା ବେଳେ ପ୍ରତୀକ ବନ୍ଧରେ ବୁଡି ଯାଇଥିବା ସନ୍ଦେହରେ ଖୋଜାଖୋଜି ଚାଲିଛି । ତେବେ ବନ୍ଧରେ ସେହି ସ୍ଥାନରେ ୮୦ ଫୁଟ ଗଭୀର ଜଳଥିବାରୁ ଖୋଜାଖୋଜି ରେ ତାଙ୍କୁ ଠାବ କରିବା ସଂଧ୍ୟା ସୁଦ୍ଧା ସମ୍ଭବ ହୋଇନାହିଁ ।
