ଦୀପାବଳି ପାଳନ କଲେ ଆମେରିକାର ଉପରାଷ୍ଟ୍ରପତି କମଳା ହାରିସ୍‌

ନ୍ୟୁୟର୍କ – ଆମେରିକାର ଉପରାଷ୍ଟ୍ରପତି କମଳା ହାରିସ୍‌ ନିଜ ସରକାରୀ ବାସଭବନରେ ଦୀପାବଳି ପାଳନ କରିଛନ୍ତି । ଏହା ସର୍ବଧର୍ମ ସମନ୍ୱୟର ବାର୍ତ୍ତା ଦିଏ ବୋଲି ସେ ପ୍ରକାଶ କରିଛନ୍ତି । ନିଜ ସରକାରୀ ବାସଭବନରେ ଭାରତୀୟ ଆମେରିକୀୟଙ୍କ ପାଇଁ ସେ ଏହି ଉତ୍ସବର ଆୟୋଜନ କରିଥିଲେ ।

The moment we lit Diwali sparklers on Vice President @KamalaHarris’ front lawn and then sang her happy birthday may just be my favorite memory of 2022! 🪔 pic.twitter.com/rMb5yJbzwH

— K. Travis Ballie (@KTravisBallie) October 21, 2022

କମଳାଙ୍କ ସରକାରୀ ବାସଭବନ ‘ନେବଲ ଅବଜରଭେଟରୀ’ରେ ଏହି ଉତ୍ସବର ଆୟୋଜନ କରାଯାଇଥିଲା । ମାଟି ଦୀପ ସହ ଏଠାରେ ଆଲୋକ ସଜ୍ଜା କରାଯାଇଥିଲା । ଗୁପଚୁପ୍‌ ସହ ଅତିଥିମାନଙ୍କୁ ପାରମ୍ପରିକ ଭାରତୀୟ ଖାଦ୍ୟ ପରିବେଷଣ କରାଯାଇଥିଲା । ଅନ୍ଧାର ଉପରେ ଆଲୋକର ବିଜୟ ପର୍ବ ଦୀପାବଳି ବୋଲି ହାରିସ୍‌ ପ୍ରକାଶ କରିଛନ୍ତି ।

ଚେନ୍ନାଇରେ ସେ ନିଜ ଅଜା ଆଈଙ୍କ ସହ ଦୀପାବଳି ପାଳନର ସ୍ମୃତିକୁ ପ୍ରକାଶ କରିଥିଲେ । ଏହି ସମାରୋହରେ ଆମେରିକାର ସର୍ଜନ ଜେନେରାଲ୍‌ ବିବେକ ମୂର୍ତ୍ତୀ, ରାଷ୍ଟ୍ରପତିଙ୍କ ପରାମର୍ଶଦାତା ନୀର ଟଣ୍ଡନ, ବାଇଡୋନ୍‌ଙ୍କ ଭାଷଣ ଲେଖକ ବିନୟ ରେଡ୍ଡୀଙ୍କ ସହ ଅନେକ ଭାରତୀୟ ଆମେରିକୀୟ ସଦସ୍ୟ ସାମିଲ୍‌ ହୋଇଥିଲେ ।