ଦେବଗଡ଼ : ପବିତ୍ର ଲକ୍ଷ୍ମୀପୂଜା ଅବସରରେ ଗ୍ରାମବାସୀଙ୍କ ଦ୍ୱାରା ବ୍ୟବହାର ହୋଇଥିବା ଏକ ଅଫୁଟା ବାଣ ଫୁଟାଉଥିବା ବେଳେ କଲଣ୍ଡା ଗ୍ରାମର ଜଣେ ବାଳକ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଦେବଗଡ ଥାନା ଅନ୍ତର୍ଗତ ବଲଣ୍ଡା ଗ୍ରାମବାସୀ ଲକ୍ଷ୍ମୀପୂଜା ଅବସରରେ ବହୁ ପରିମାଣର ବାଣ ଫୋଟକା ବ୍ୟବହାର କରିଥିବା ବେଳେ ରାସ୍ତା କଡରେ ଏକ ଅଫୁଟା ବାଣ ପରିତ୍ୟକ୍ତ ଅବସ୍ଥାରେ ପଡିଥିଲା। ଆଜି ରାତିରେ ଉକ୍ତ ଗ୍ରାମର ଟିକେଇ ବାଘଙ୍କ ପୁଅ ସୁମନ୍ତ ବାଘ (୧୩) ରାସ୍ତାରୁ ଗୋଟାଇବା ସହ ଏହାକୁ ଫୁଟାଇବାକୁ ତହିଁରେ ନିଆଁ ସଂଯୋଗ କରୁଥିଲେ। ତେବେ ଅସାବଧାନତା ବସତଃ ତାଙ୍କ ହାତରେ ଫୁଟିଯାଇଥିଲା। ଫଳରେ ତାଙ୍କର ହାତ ଏବଂ ଦୁଇ ଆଖିରେ ଗୁରୁତର ଆଘାତ ସୃଷ୍ଟି ହୋଇଥିଲା। ଏହାଦେଖି ପରିବାର ଲୋକେ ଧାଇଁ ଆସି ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିବାସହ ଚିକିତ୍ସା ନିମନ୍ତେ ଦେବଗଡ ଜିଲା ମୂଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଆହତ ସୁମନ୍ତ ଏବେ ମଧ୍ୟ ସେଠାରେ ଚିକିତ୍ସାଧିନ ଥିବା ଜଣାପଡିଛି।
Popular Categories
Previous article
Next article