ଚୌଦ୍ୱାର : ଚୌଦ୍ୱାର ଫଟୋଗ୍ରାଫର ଏସୋସିଏସନର ଏକ ବନ୍ଧୁମିଳନ ଗାନ୍ଧୀଛକସ୍ଥିତ ଅଭିରାମ ଆଶ୍ରମ ପରିସରରେ ଅନୁଷ୍ଠିତ ହୋଇଯାଇଛି । ସଂଗଠନର ସଭାପତି ସତ୍ୟବ୍ରତ ଦାସଙ୍କ ପୌରୋହିତ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ଡ. ପ୍ରଭାତ ରଞ୍ଜନ ବିଶ୍ୱାଳ ଅତିଥି ଭାବେ ଯୋଗଦେଇ ସମସ୍ତ ଫଟୋଗ୍ରାଫର ଗଠନ ମୂଳକ ଭାବେ କାର୍ଯ୍ୟକରି ସମାଜର ବିକାଶ ଧାରାରେ ସାମିଲ ହେବାକୁ ପରାମର୍ଶ ଦେଇଥିଲେ । ଓଡ଼ିଶା ଫଟୋଗ୍ରାଫର ମହାସଂଘର ଶିଶିର କୁମାର ନାୟକ, ଅବିନାସ ପାତ୍ର, ପୂର୍ବତନ ନଗରପାଳ ପ୍ରେମଚାନ୍ଦ ନାୟକ, ଜାଭେଦ ଅହମ୍ମଦ,ପ୍ରକାଶ ମାଝୀ,ସୁଶାନ୍ତ ଦାସ, ରମେଶ ମହାପାତ୍ର, ଗୋକୁଳାନନ୍ଦ ସାହୁ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ସଂଗଠନ ତରଫରୁ ଅତିଥି ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ଆସନ୍ତା ନଭେମ୍ବର ୪ ଓ ୫ତାରିଖରେ ଭୁବନେଶ୍ୱରରେ ଅନୁଷ୍ଠିତ ହେବାକୁଥିବା ଓଡ଼ିଶା ଫଟୋ ପ୍ରଦର୍ଶନୀକୁ ସଫଳ କରିବାପାଇଁ ସମସ୍ତ ଫଟୋଗ୍ରାଫର ସହଯୋଗ କରିବାକୁ ସଭାପତି ଶ୍ରୀ ଦାସ ଅନୁରୋଧ କରିଥିଲେ। ସମ୍ପାଦକ ଆଲୋକ କୁମାର ଦାସ ଧନ୍ୟବାଦ ଅର୍ପଣ କରିଥିଲେ।
Comments are closed.