ସମ୍ବଲପୁର: ବହୁଜନ ସମାଜ ପାର୍ଟି ସମ୍ବଲପୁର ଜିଲା କମିଟି ତରଫରୁ ଦଳର ପ୍ରତିଷ୍ଠାତା ସ୍ୱର୍ଗତ କାଂସିରାମଙ୍କ ୧୬ତମ ମହାପରିନିର୍ବାଣ ଦିବସ ପାଳନ କରାଯାଇଛି । ସମ୍ବଲପୁରର ମ୍ୟୁନିସିପାଲିଟି ଛକ ସ୍ଥିତ ସାମ୍ବାଦିକ ଭବନ ଠାରେ ଜିଲା ସଭାପତି ଆଇନଜୀବୀ ଦିଲ୍ଲୀପ କୁମାର ସିଂଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ କାଂସିରାମଙ୍କ ସ୍ମୃତିରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । ଜିଲା ସଂଯୋଜକ ସଦାନନ୍ଦ ରଣବିଡା, ନବୀନ ନାଏକ, ଜିଲା କୋଷାଧ୍ୟକ୍ଷ କୁମ୍ଭକର୍ଣ୍ଣ ବୌଦ ପ୍ରମୁଖ ମଞ୍ଚାସୀନ ରହିଥିଲେ । ସଭାରେ କାଂସିରାମଙ୍କ ଜୀବନୀ, ନିତି, ଆଦର୍ଶ ଉପରେ ବକ୍ତା ମାନେ ଆଲୋକପାତ କରିବା ସହିତ ତାଙ୍କ ଠାରୁ ଅନୁପ୍ରାଣିତ ହୋଇ କାର୍ଯ୍ୟ କରିବାକୁ ଆହ୍ୱାନ ଦେଇଥିଲେ । ଏଥି ସହ ସରକାରଙ୍କ ଆଦିବାସୀ ଓ ଦଳିତ ବିରୋଧୀ ନିତି ବିରୋଧରେ ଆଗାମୀ ଦିନରେ ବ୍ୟାପକ ଜନ ଆନ୍ଦୋଳନ କରାଯିବ ବୋଲି ଘୋଷଣା କରାଯାଇଥିଲା । କାର୍ଯ୍ୟକ୍ରମରେ ସମ୍ବଲପୁର ମହାନଗର ସଭାପତି ପିଣ୍ଟୁ ବେସନ, ଉପ ସଭାପତି ରିଜୱାନ ଖାନ, ଟିଙ୍କୁ କରାଲି, ନନ୍ଦିନି ସିଂ, ଲିଳା ସିଂ ସମେତ ଜିଲାର ସମସ୍ତ ବ୍ଲକର ବରିଷ୍ଠ ପଦାଧିକାରୀ ମାନେ ସାମିଲ ହୋଇଥିଲେ ।
Popular Categories
Previous article
Next article