ସୁଆଣ୍ଡୋ : ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ଜୟନ୍ତୀ ଉତ୍ସବ ଆସନ୍ତାକାଲି (ରବିବାର) ପାଳନ ପାଇଁ ଜନ୍ମମାଟି ସୁଆଣ୍ଡୋରେ ଗୋପବନ୍ଧୁ ସ୍ମୁତି ପରିଷଦ ପକ୍ଷରୁ ପ୍ରସ୍ତୁତି ଚୁଡାନ୍ତ ହୋଇଛି । ଏହି ପରିପ୍ରେକ୍ଷୀରେ ସକାଳ ୯ଟାରେ ଉତ୍ସବର ମୁଖ୍ୟ ଅତିଥି ଭାବେ ଜିଲାପାଳ ସମର୍ଥ ବର୍ମା ମହାପୁରୁଷଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାଞ୍ଜଳି ଅର୍ପଣ କରିବେ। ଆୟୋଜିତ ସ୍ମୃତିଚାରଣ ସଭାରେ ଜିଲାପାଳ, ଅତିରିକ୍ତ ଜିଲାପାଳ ପ୍ରଦୀପ କୁମାର ସାହୁ, ଜିଲା ସୂଚନା ଓ ଲୋକସଂପର୍କ ବିଭାଗ ଅଧିକାରୀ, ଜିଲା ସଂସ୍କୃତି ବିଭାଗ ଅଧିକାରୀ, ସତ୍ୟବାଦୀ ମଣ୍ଡଳ ଉନ୍ନୟନ ଅଧିକାରୀ, ତହସିଲଦାର ଜୟନ୍ତ କୁମାର ଜୟସିଂହ, ଓଡିଶା ସେତୁ ଓ ନିର୍ମାଣ ନିଗମ ସାଧାରଣ ପରିଚାଳକ ପୂର୍ଣ୍ଣଚନ୍ଦ୍ର ମହାପାତ୍ର, ନିର୍ବାହୀ ଯନ୍ତ୍ରୀ ତଥା ପ୍ରୋଜେକ୍ଟ ଅଫିସର ସୁନ୍ଦର ମାଧବ ପାଢ଼ୀ ଯୋଗଦାନ କରିବେ । ମୁଖ୍ୟ ଅତିଥି ଛାତ୍ରଛାତ୍ରୀ ମାନଙ୍କୁ ପୁରସ୍କାର ବିତରଣ କରିବେ। ଗୋପବନ୍ଧୁ ସ୍ମୁତି ପରିଷଦ କାର୍ଯ୍ୟକାରୀ ସଭାପତି ଦେବେନ୍ଦ୍ର ନାଥ ଦାଶ ବାର୍ଷିକ ବିବରଣୀ ପାଠ କରିବେ। ସମାଜ ଓ ଲୋକସେବକ ଯୁବ ମଣ୍ଡଳ କର୍ମକର୍ତ୍ତାଗଣ ଓ ସମାଜସେବୀ ଗୋବିନ୍ଦ ମହାପାତ୍ର ପ୍ରମୁଖ ପଦଯାତ୍ରୀ ମାନଙ୍କୁ ସ୍ୱାଗତ କରାଯିବ । ବିଦ୍ୟାର୍ଥୀ (ପ୍ରସାଦ ସେବା)କୁ ଜିଲାପାଳ ଉଦଘାଟନ କରିବାର କାର୍ଯ୍ୟକ୍ରମ ରହିଛି ବୋଲି ସ୍ମୁତି ପରିଷଦର ସଭାପତି ଧୀରେନ୍ଦ୍ର ନାଥ ଦାସ ଜଣାଇଛନ୍ତି ।
Popular Categories
Previous article
Next article