କଣ୍ଟାବାଞ୍ଜି: ସ୍ଥାନୀୟ ସରକାରୀ ବାଳକ ଉଚ୍ଚ ବିଦ୍ୟାଳୟ ଧନ୍ଦାମୂଳକ ଶିକ୍ଷା ପର୍ଯ୍ୟଟନ ବିଭାଗରେ ଅଧ୍ୟୟନରତ ନବମ ଓ ଦଶମ ଶ୍ରେଣୀର ଛାତ୍ର ମାନଙ୍କୁ ନେଇ ବନମାଳୀ ହୋଟେଲର ବିଭିନ୍ନ ବିଭାଗ ପରିଦର୍ଶନ କରାଇଥିଲେ। ଏହି ପରିଦର୍ଶନରେ ବିଦ୍ୟାଳୟର ଧନ୍ଦାମୂଳକ ଶିକ୍ଷା ପ୍ରଶିକ୍ଷିକା କୁମାରୀ ରୁବୀ ବାଗ ଓ ସହକାରୀ ଶିକ୍ଷକ କୃପାସିନ୍ଧୁ ସାଙ୍କ ତତ୍ତ୍ଵାବଧାନରେ ୩୦ ଜଣ ଛାତ୍ର ଭାଗ ନେଇଥିଲେ। ବନମାଳୀ ହୋଟେଲର ଜେନେରାଲ ମ୍ୟାନେଜର ସୁବାଷ ଚନ୍ଦ୍ର ପଣ୍ଡା ଓ କ୍ୟାପଟେନ କ୍ରିଷ୍ଣା ନନ୍ଦ ବିଭିନ୍ନ ବିଭାଗ ପରିଦର୍ଶନରେ ସାହାଯ୍ୟ କରିଥିଲେ। ବାବଲୁ ମୋହନ ପୁଜାରୀ ଓ ଦେବାଶିଷ ମଣ୍ଡଳ ଏଵଂ ଅନ୍ୟ ସହକାରୀ କର୍ମଚାରୀ ମାନେ ବିଭିନ୍ନ ବିଭାଗର ଆବଶ୍ୟକତା ଓ ନାମକରଣ ବିଷୟରେ ବିଶଦ ଭାବରେ ବୁଝାଇଥିଲେ। ଛାତ୍ରମାନେ ଏହି ପରିଦର୍ଶନକୁ ଉପଭୋଗ କରିବା ସହ ଶିକ୍ଷାର ଗୁଣାତ୍ମକ ମାନ ଓ ଦକ୍ଷତା ବିକାଶ ପାଇଁ କିପରି ସହାୟକ ହୁଏ ଉପଲବ୍ଧି କରିଥିଲେ।
Popular Categories
Previous article
Next article