ଭୁବନେଶ୍ୱର: ବାଲିପାଟଣା ଥାନା ଅନ୍ତର୍ଗତ ଚିତଳପୁର ଠାରେ ଏକ ଟ୍ରକକୁ କେହି ଦୁର୍ବୃତ୍ତ ନିଆଁ ଲଗାଇ ଦେଇଛି । ଟ୍ରକଟି ଆଜି ସକାଳେ ଜଣଙ୍କୁ ଧକ୍କା ଦେଇଥିବା ମଧ୍ୟ ସୂଚନା ମିଳିଛି । ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ଖଇରାତ ଗାଁର ହୋଇଥିବା ବେଳେ ତାଙ୍କ ନାଁ ପାଗୁ ବୋଲି କୁହାଯାଉଛି । ଯୁବକ ଜଣକ ଏକ ସଂସ୍ଥାରେ ସୁରାକ୍ଷାକର୍ମୀ ଭାବେ କାର୍ଯ୍ୟ କରୁଥିଲେ । କାମ ସାରି ଘରକୁ ଫେରିବା ବେଳେ ଟ୍ରକଟି ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ହେଲେ ପରେ କେହି ଦୁର୍ବୃତ୍ତ ଟ୍ରକଟିରେ ନିଆଁ ଲଗାଇ ଦେଇଛି ତାହା ଜଣାପଡ଼ିନାହିଁ ।
Comments are closed.