ପାଟଣା – ପାଟଣା ବନାଞ୍ଚଳ ରେ ୨୨ ଘରିଆ ହାତୀପଲଙ୍କ ଉପଦ୍ରବ ଦିନକୁ ଦିନ ଉଗ୍ର ହେଉଛି । ଏହି ହାତୀପଲ ଗତରାତିରେ ସୂହାଗପୁର ଗ୍ରାମରେ ପଶି ଋଷି ମୁଣ୍ଡା (୩୫)ନାମକ ଜଣେ ବ୍ୟକ୍ତି ଙ୍କ ଘରଭାଙ୍ଗି ଦେଇଛନ୍ତି । ଏହା ସହ ସେ ରଖିଥିବା ଧାନ ଚାଉଳ ଖାଇବା ସହ ନଷ୍ଟ କରିଛନ୍ତି ।
ପୂର୍ବରୁ ଋଷି ମୁଣ୍ଡା ଙ୍କ ବାପା ମୃତ୍ୟୁ ହୋଇଛି , ଗତ ୫ ଦିନ ତଳେ ତାଙ୍କ ମା’ଙ୍କର ମୃତ୍ୟୁ ହୋଇଥିଲା । ସେ ଶୁଦ୍ଧି କ୍ରିୟା ପାଇଁ ଚାଉଳ ଓ ଅନ୍ୟାନ୍ୟ ଜିନିଷ ପତ୍ର ଯୋଗାଡ଼ କରି ଘରେ ରଖିଥିଲେ। ହାତୀ ଚାଉଳ ଧାନ ଖାଇଯିବା ଓ କାନ୍ଥ ପଡି ଜିନିଷ ପତ୍ର ନଷ୍ଟ ହୋଇଯିବା ରୁ ସେ ମାଆ ର ଶୁଦ୍ଧି କ୍ରିୟା କିପରି କରିବେ ସେନେଇ ଚିନ୍ତାରେ ପଡିଯାଇଛନ୍ତି।
ଘର ଭାଙ୍ଗି ଯାଇଥିବା ୩ ପିଲା ସହ ପରିବାରୁ ଲୋକଙ୍କୁ ଧରି ସେ ଅନ୍ୟତ୍ର ଆଶ୍ରୟ ନେଇଛନ୍ତି । ବନପାଳ ସୁନିତା ବଘେଲ ଓ ମୋହୀନି ମହାନ୍ତ ସୁହାଗପୁର ଯାଇ କ୍ଷୟ କ୍ଷତି ର ଆକଳନ କରିଛନ୍ତି।ଏହି ହାତୀପଲ ମଙ୍ଗଳବାରରେ ଖଜୁରିଡିହା ନିକଟରେ ଡେରା ପକାଇଥିବା ବେଳେ ଆଖପାଖ ଗ୍ରାମ ବାସୀ ଭୟଭୀତ ଅବସ୍ଥାରେ ଅଛନ୍ତି।
