ଭାରତୀ ବିଦ୍ୟାପୀଠରେ ଆଜାଦୀ କି ଅମୃତ ମହୋତ୍ସବ ପାଳିତ

ଗଞ୍ଜାମ: ଗଞ୍ଜାମ ସ୍ଥିତ ଭାରତୀ ବିଦ୍ୟାପୀଠରେ ଆଜାଦୀ କି ଅମୃତ ମହୋତ୍ସବ ରବିବାର ଦିନ ପାଳିତ ହୋଇଯାଇଛି l ସ୍କୁଲ ପ୍ରଧାନ ଶିକ୍ଷୟିତ୍ରୀ ଏସ. ରାଜଲକ୍ଷ୍ମୀ ରେଡ୍ଡୀଙ୍କ ସଭାପତିତ୍ୱରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏହି ଉତ୍ସବରେ ମୁଖ୍ୟ ଅତିଥି ଭାବେ ବିଇଓ ଭାଗିରଥି ବେହେରା ଯୋଗଦେଇ କାର୍ଯ୍ୟକ୍ରମର ଉଦଘାଟନ କରିଥିଲେ l ସେ ବକ୍ତବ୍ୟ ମାଧ୍ୟମରେ ଏହି ମହୋତ୍ସବ ପାଳନ କରିବା ସମ୍ପର୍କରେ କହିବା ସହ ଦେଶର ଇତିହାସକୁ ଆଲୋଚନା କରିଥିଲେ l

ସ୍କୁଲ ପରିଚାଳନା କମିଟି ସଭାପତି ଲିଙ୍ଗରାଜ ଆଚାର୍ଯ୍ୟ, ଏବିଇଓ ବିଜୟ ଚନ୍ଦ୍ର ବେହେରା, ପୁଇଁତୋଳା ସିଆରସିସି ମହେଶ କୁମାର ବେହେରା, ହୁମ୍ମା ସିଆରସିସି ଦାମୋଦର ପଣ୍ଡା, ଶିକ୍ଷକ ରବୀନ୍ଦ୍ର କୁମାର ସେଠୀ ପ୍ରମୁଖ ମଞ୍ଚାସିନ ରହିଥିଲେ l ସ୍କୁଲ ଖେଳ ପ୍ରଶିକ୍ଷକ ତଥା ବିଶିଷ୍ଟ କଳାକାର ପ୍ରୀତି ରଞ୍ଜନ ପ୍ରଧାନ କାର୍ଯ୍ୟକ୍ରମର ସଂଯୋଜନା କରିଥିଲେ l ସ୍କୁଲ ଛାତ୍ର ମାନଙ୍କ ଦ୍ୱାରା ପୂର୍ବରୁ କରାଯାଇଥିବା ମହାପୁରୁଷ ମାନଙ୍କ ପ୍ରତିକୃତି ସହ ମହାତ୍ମା ଗାନ୍ଧୀଙ୍କ ଓଡିଶା ଆଗମନ ସମୟର ଦୃଶ୍ୟ ଅଙ୍କିତ ରହିଥିବା ଚିତ୍ର ବା ସୁନ୍ଦର ଆଲବମ କରିଥିବା କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା l

ଏହି କାର୍ଯ୍ୟକ୍ରମକୁ  ସୁନିତା ମହାଙ୍କୁଡ, ସୂର୍ଯ୍ୟ ନାରାୟଣ ଦାଶ, ରଶ୍ମିତା ସିଂ, ମନୋଜ ବେହେରା ମାଝୀ, ରାଜେସ ଦିସ୍ତି, ସ୍ନେହଲତା ସେଠୀ, ସୁବାସିନୀ ଜାନି, ସୁନିଲ କୁମାର ବେହେରା, ମନୋଜ କୁମାର ସାହୁ, ହରିହର ବାରିକ, ପ୍ରକାଶ ପଣ୍ଡା, ଶିକ୍ଷକ, ଶିକ୍ଷୟିତ୍ରୀ ଓ ଅନ୍ୟ କର୍ମଚାରୀ ମାନେ କାର୍ଯ୍ୟକ୍ରମ ପରିଚାଳନା କରିଥିଲେ l