ଆଠଗଡ : ଆଠଗଡ ଷ୍ଟେଟବ୍ୟାଙ୍କ ମୁଖ୍ୟଶାଖା ଆନୁକୁଲ୍ୟରେ ପବିତ୍ର ଗୁରୁଦିବସ ଅବସରରେ ଗୁରୁ ସମ୍ବର୍ଦ୍ଧନା ଉତ୍ସବ ଅନୁଷ୍ଟିତ ହୋଇଯାଇଛି । ଶାଖା ମୁଖ୍ୟ ପ୍ରବନ୍ଧକ ଚନ୍ଦ୍ରଶେଖର ଦାସଙ୍କ ପୌରୋହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବିଶିଷ୍ଟ ସାହିତ୍ୟିକ ଅଧ୍ୟାପକ ଡଃ ନାରାୟଣ ପଣ୍ଡା ଏବଂ ସମ୍ମାନିତ ଅତିଥି ଭାବେ ଅଧ୍ୟାପକ ଦିନେଶ ଦାସ ଯୋଗଦେଇ ଗୁରୁଦିବସ ପାଳନର ତାତ୍ପର୍ଯ୍ୟ ଏବଂ ଗୁରୁ-ଶିଷ୍ୟଙ୍କ ମଧ୍ୟରେ ସଂପର୍କ ବିଷୟରେ ଆଲୋକପାତ କରିଥିଲେ। ଏହି ଅବସରରେ ଅବସରପ୍ରାପ୍ତ ପ୍ରାଧ୍ୟାପକ ଡଃ ଶରତ କୁମାର ମଲ୍ଲିକ, ପ୍ରଫେସର ଡଃ ନରୋତ୍ତମ ଗାଆଣ, ଡଃ ସଂଘମିତ୍ରା ପଟ୍ଟନାୟକ, ଅର୍ଚ୍ଚନା ନନ୍ଦ, ହରିହର ପ୍ରଧାନ, ନୀଳକଣ୍ଠ ସାମଲ, ବଟକୃଷ୍ଣ ସେଠୀ ପ୍ରମୁଖ ଶିକ୍ଷକ ଓ ଶିକ୍ଷୟିତ୍ରୀଙ୍କୁ ବ୍ୟାଙ୍କ ପକ୍ଷରୁ ପୁଷ୍ପଗୁଚ୍ଛ, ଉତ୍ତରୀୟ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା। ବ୍ୟାଙ୍କର ଅଧିକାରୀ ଶୁଭ୍ରାଂଶୁ ବେହେରା, ଚେତନ ଆନନ୍ଦ, ଅନୁପମା ବେହେରା, ଶୁଭଶ୍ରୀ ସାହୁ, ଅସିତ ପଟ୍ଟନାୟକ, ସୁଶାନ୍ତ ପଟ୍ଟନାୟକ, ପ୍ରଜ୍ଞାମାନସୀ ବାରିକ, ଦିପ୍ତୀ ରଥ, ହେମନ୍ତ ରାଉତ ଓ ସିଦ୍ଧାର୍ଥ ଶଙ୍କର ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Comments are closed.