ସମ୍ବଲପୁର : ଓଡିଶା ପର୍ଯ୍ୟଟନ ଉନ୍ନୟନ ନିଗମ (ଓଟିଡିସି) ର ୪୩ତମ ପ୍ରତିଷ୍ଠା ଦିବସ ଭୁବନେଶ୍ୱର ଠାରେ ଆୟୋଜିତ ହୋଇଯାଇଛି। ଏହି ଉତ୍ସବରେ ମୁଖ୍ୟ ଅତିଥି ରୂପେ ପର୍ଯ୍ୟଟନ ମନ୍ତ୍ରୀ ଅଶ୍ୱିନୀ ପାତ୍ର ଯୋଗ ଦେଇ ନିଗମ ସ୍ଥାପନର ଲକ୍ଷ୍ୟ ଓ ଉଦ୍ଦେଶ୍ୟ ସର୍ମ୍ପକରେ ଆଲୋକପାତ କରିବା ସହିତ ସମ୍ବଲପୁର ପାନ୍ଥ ନିବାସକୁ ପୁରସ୍କୃତ କରିଛନ୍ତି । ଓଡିଟିସିକୁ ବିଶ୍ୱସ୍ତରୀୟ ଅନୁଷ୍ଠାନରେ ପରିଣତ କରିବାକୁ ଏହା ଅଧିନସ୍ଥ ପାନ୍ଥ ନିବାସ ଗୁଡିକୁ ଆଧୁନିକୀକରଣ କରାଯିବା ସହିତ ବିଭିନ୍ନ ପ୍ରତିଯୋଗୀତା ମାନ ଆୟୋଜିତ କରାଯାଇ କର୍ମଚାରୀ ମାନଙ୍କୁ ଉତ୍ସାହିତ କରାଯାଉଛି । ଏହି କ୍ରମରେ ସର୍ବୋତ୍ତମ ପ୍ରଦର୍ଶନ ଆବାସ ୟୁନିଟ (୩୦ଟି କୋଠରୀରୁ ଅଧିକ) ବର୍ଗରେ ସମ୍ବଲପୁର ପାନ୍ଥ ନିବାସକୁ ଉତ୍ତମ ସେବା ପ୍ରଦାନ ନିମନ୍ତେ ପୁରସ୍କୃତ କରାଯାଇଛି । ଭୁବନେଶ୍ୱର ଠାରେ ଆୟୋଜିତ କାର୍ଯ୍ୟକ୍ରମରେ ସମ୍ବଲପୁର ପାନ୍ଥ ନିବାସର ପରିଚାଳକ ଦେବାଶିଷ ସାହୁ ଏହି ପୁରସ୍କାର ଗ୍ରହଣ କରିଛନ୍ତି । ଏହି ପୁରସ୍କାର ପାଇଁ ସମ୍ବଲପୁର ପାନ୍ଥ ନିବାସର କର୍ମଚାରୀ ମାନଙ୍କ ସମେତ ସହରବାସୀ ଖୁସି ବ୍ୟକ୍ତ କରିଛନ୍ତି ।
Comments are closed.