ମହୁ ମାଛି ଆକ୍ରମଣରେ ୫ ଛାତ୍ର ଆହତ

କଲମପୁର –   ବିଘ୍ନ ବିନାଶକ ବିଘ୍ନରାଜ ଗଣେଶଙ୍କ ପୂଜା ଉତ୍ସବ ପାଇଁ ପ୍ରତ୍ୟେକ ବିଦ୍ୟାଳୟ ଉତ୍ସବ ମୁଖର । କିନ୍ତୁ ଏଭଳି ସ୍ଥିତିରେ କଲମପୁର ଦୁର୍ଗାମାଧବ ହାଇସ୍କୁଲ ଠାରେ ୫ ଜଣ ଛାତ୍ର ମହୁ ମାଛି କାମୁଡାର ଶିକାର ହେବା ଭଳି ଅଭାବନୀୟ ଘଟଣା ଘଟିଛି । ହାଇସ୍କୁଲ ପାଚେରୀ କଡରେ ଥିବା ପାଣି ଟାଙ୍କିରେ ବସା କରି ରହିଥିବା ମହୁ ମାଛି କାମୁଡାର ଶିକାର ହେଇଛନ୍ତି ୫ ଜଣ ଛାତ୍ର ।

ଅଜିତ ନାଗ, ସୁରଜ ନାଗ, ଓମ୍‌ ପ୍ରକାଶ ସୁନାନୀ, ଖଗେଶ୍ୱର ମାଝୀ ଓ ଗିରିଧାରୀ ରାଉତ ନାମକ ୫ ଜଣ ଛାତ୍ର ସ୍କୁଲ ପରିସରରେ ଗଣେଶ ପୂଜା ପାଇଁ ଉପସ୍ଥିତ ଥିଲେ । ଏହି ସମୟରେ ସ୍କୁଲ ବାହାରେ ଥିବା ଏକ ପାଣି ଟାଙ୍କିରେ ବସା ବାନ୍ଧିଥିବା ମହୁ ମାଛି ଉଡି ବୁଲୁଥିବା ବେଳେ ଏହି ୫ ଜଣ ଛାତ୍ର ମହୁମାଛି ଆକ୍ରମଣର ଶିକାର ହେଇଥିଲେ । ମହୁ ମାଛି ଆକ୍ରମଣରେ ଆକ୍ରାନ୍ତ ହେବାରୁ ସେମାନଙ୍କୁ ତୁରନ୍ତ କଲମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇ ଚିକିତ୍ସା କରାଯାଉଛି ।