ଫୁଲବାଣୀ: ଖଜୁରୀପଡା ଥାନା ଅଧିନସ୍ଥ ମୁଳଗୁଦାରୀ ଗ୍ରାମର ଅଜିତ୍ ଦିଗାଲ (୨୧)ଙ୍କୁ ଡକାୟତ ମାମଲାରେ ଖଜୁରୀପଡା ପୋଲିସ ଗିରଫ କରି କୋର୍ଟ ଚାଲାଣ କରିଛି। ପୁଲିସ ସୂଚନା ପ୍ରକାରେ ଅଭିଯୁକ୍ତ ଅଜିତ୍ ଏବଂ ଅନ୍ୟ ପ୍ରାୟ ୭ ଜଣ ବ୍ୟକ୍ତି ବାରପୁଲିଆ ନିକଟରେ ଡକାୟତ କରିବାକୁ ଯୋଜନା କରୁଥିବା ବେଳେ ଫୁଲବାଣୀରୁ ନୟାଗଡ଼ ବୁଲେଟ୍ ଗାଡିରେ ଯାଉଥିବା ବ୍ରଜବନ୍ଧୁ ପଣ୍ଠୋଇଙ୍କୁ ଏହି ଗ୍ୟାଙ୍ଗ ରାସ୍ତାରେ ଅଟକାଇ ତାଙ୍କ ପକେଟରୁ ଦୁଇ ହଜାର ଟଙ୍କା ଛଡାଇବା ସହ ତାଙ୍କୁ ପ୍ରବଳ ମାଡ ମାରିଥିଲେ। କିଛି ସାଧାରଣ ଲୋକ ସେଠାରେ ପହଞ୍ଚିବା ଦେଖି ଡକାୟତରେ ସାମିଲ ଥିବା ସମସ୍ତେ ଫେରାର ହୋଇଥିଲେ। ଏନେଇ ବ୍ରଜବନ୍ଧୁ ୨୬ ତାରିଖରେ ଖଜୁରୀପଡା ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖି ଅଜିତ୍ ଦିଗାଲଙ୍କୁ ଧରିବାରେ ସକ୍ଷମ ହୋଇଥିଲା।
ଅଜିତ୍ ବ୍ୟବହାର କରୁଥିବା ଏକ ମୋଟରସାଇକେଲ ମଧ୍ୟ ପୋଲିସ ଜବତ୍ କରିଥିବା ଜଣାପଡିଛି। ଏନେଇ ଖଜୁରୀପଡା ଥାନା ଏସଆଇ ଦୀନବନ୍ଧୁ ପ୍ରଧାନ ୯୩/୨୨ ରେ ମାମଲା ରୁଜୁ କରି ଅଭିଯୁକ୍ତ ଅଜିତ୍ ଦିଗାଲ ଙ୍କୁ କୋର୍ଟ ଚାଲାଣ କରିଥିବା ବେଳେ ଏଥିରେ ସାମିଲ ଥିବା ଅନ୍ୟ ଅଭିଯୁକ୍ତ ମାନଙ୍କୁ ଧରିବାକୁ ଚେ଼ଷ୍ଟା କରୁଥିବା ଥାନା ଅଧିକାରୀ ଗେଲ୍ଲୀ କୁମାରୀ ସାହୁ ସୁଚନା ପ୍ରଦାନ କରିଛନ୍ତି।
