ସମ୍ବଲପୁର: ଦେଶର ସ୍ୱାଧିନତାର ୭୫ ବର୍ଷ ଉପଲକ୍ଷେ ସାରା ଭାରତରେ ‘ଆଜାଦୀ କା ଅମୃତ ମହୋତ୍ସବ’ ପାଳନ କରାଯାଉଛି । ଏହି କ୍ରମରେ ସମ୍ବଲପୁର ରେଳବାଇ ସୁରକ୍ଷା ବଳ ତରଫରୁ ବିଭିନ୍ନ ସେବା କାର୍ଯ୍ୟ ଜାରି ରହିଛି । ପୂର୍ବରୁ ଜଳ ସେବା, ବାଇକ ସଚେତନତା ରାଲି ଆଦି ବିଭିନ୍ନ କାର୍ଯ୍ୟକ୍ରମ ଆୟୋଜିତ ହୋଇଥିବା ବେଳେ ଇତି ମଧ୍ୟରେ ସଫେଇ ଓ ଚାରାରୋପଣ କାର୍ଯ୍ୟକ୍ରମ ହୋଇଯାଇଛି । ଆରପିଏଫ ତରଫରୁ ଶନିବାର ସମ୍ବଲପୁର ସ୍ଥିତ ମୁଖ୍ୟ ରେଳ ଷ୍ଟେସନ ପରିସର ଓ ମଣ୍ଡଳ ପ୍ରବନ୍ଧକଙ୍କ କାର୍ଯ୍ୟାଳୟ ପରିସରକୁ ସଫେଇ କରାଯାଇଛି । ସେହିଭଳି ରବିବାର ସ୍ଥାନୀୟ ହୀରାକୁଦ ରେଳ ଷ୍ଟେସନ ନିକଟରେ ଆରପିଏଫ ତରଫରୁ ପରିବେଶର ସୁରକ୍ଷା ଓ ସ୍ୱଚ୍ଛ ବାତାବରଣ ନିମନ୍ତେ ୫ ଶହରୁ ଊର୍ଦ୍ଧ୍ଵ ବିଭିନ୍ନ ପ୍ରଜାତିର ଚାରାରୋପଣ କରାଯାଇଛି । ଏହି ମାନବୀୟ ସେବାରେ ଆରପିଏଫର ୫୦ରୁ ଅଧିକ ଅଧିକାରୀ ଓ କର୍ମଚାରୀ ଯୋଗ ଦେଇ ସକ୍ରିୟତାର ସହିତ ସେବା କାର୍ଯ୍ୟ କରିଛନ୍ତି ।
Popular Categories
Previous article
Next article