ବୌଦ୍ଧ: କୃଷିଭିତ୍ତିକ ବୌଦ୍ଧ ଜିଲାରେ ମାଛଚାଷ ପାଇଁ ବିରାଟ ସମ୍ଭାବନା ରହିଛି । ଜିଲାର ତିନୋଟି ବ୍ଲକରେ ବିଭିନ୍ନ ନଦୀ ନାଳ ପ୍ରବାହିତ ହେଉଥିବାବେଳେ ଅସମତଳ ଭୂମିରେ ମାଛଚାଷ ପାଇଁ ଉପଯୁକ୍ତ ଉର୍ବରତା ଓ ଜଳବାୟୁ ସଂପୂର୍ଣ୍ଣ ଉପଯୋଗୀ ଅଟେ । ଏଠାକାର ଭାକୁର, ଇଲିସି, କାରପିସ, ଜକଳଖିଆ ଭଳି ଅନେକ ପ୍ରଜାତିର ଯାଆଁଳା ବୌଦ୍ଧ ସମେତ ପ୍ରାୟ ୧୦ ଗୋଟି ଜିଲାର ଚାଷୀମାନଙ୍କୁ ସୁଲଭ ମୂଲ୍ୟରେ ଯୋଗାଇ ଦିଆଯାଇଥାଏ । ଜାତୀୟ ମତ୍ସ୍ୟଚାଷ ଦିବସରେ ସ୍ୱତନ୍ତ୍ର କାର୍ଯ୍ୟକ୍ରମ ଅବସରରେ ସରକାରଙ୍କ ବିଭିନ୍ନ ଯୋଜନା କିଭଳି ମାଛଚାଷୀମାନେ ପାଇପାରିବେ ସେନେଇ ବିଭାଗ ପକ୍ଷରୁ ସୂଚନା ପ୍ରଦାନ କରାଯାଇଥିଲା ।
ଗତ କିଛିବର୍ଷ ହେଲା ସ୍ୱୟଂସହାୟକ ଗୋଷ୍ଠୀ ମାଛଚାଷ ପାଇଁ ବିଶେଷ ଆଗ୍ରହ ପ୍ରକାଶ କରୁଛନ୍ତି । କେବଳ ଚଳିତ ଆର୍ଥିକବର୍ଷରେ ଏହିଭଳି ମହିଳା ସ୍ୱୟଂସହାୟକ ଗୋଷ୍ଠୀ ୪୫ ହେକ୍ଟର ପୋଖରୀରେ ମାଛଚାଷ କରି ଉପକୃତ ହୋଇଛନ୍ତି । ସେହିପରି ବ୍ୟକ୍ତିଗତ ଭାବେ ଚାଷୀମାନେ ୨୨ ହେକ୍ଟର ପୋଖରୀରେ ସରକାରୀ ଯୋଜନାରେ ମାଛଚାଷ କରିଛନ୍ତି । ଏହାବ୍ୟତୀତ ୫୦ଟି ବାୟୋଫ୍ଲେକ୍ସ ଟାଙ୍କିରେ ହିତାଧିକାରୀମାନେ ମାଛଚାଷ କରି ଊାଭ ପାଇ ପାରିଥିବା ନେଇ ଜିଲା ମତ୍ସ୍ୟ ଅଧିକାରୀ ଲିପସା ପଟ୍ଟନାୟକ ସୂଚନା ପ୍ରଦାନ କରିଛନ୍ତି ।
