ମୋହନା: ଗଜପତି ଜିଲା ମୋହନା ବ୍ଲକ କଂଗ୍ରେସ କମିଟି ପକ୍ଷରୁ ଅଗ୍ନିପଥ ଯୋଜନାକୁ ପ୍ରତ୍ୟାହାର କରିବା ପ୍ରତିବାଦରେ ବ୍ଳକ କଂଗ୍ରେସ କମିଟି ସଭାପତି ଶଙ୍କର ପ୍ରଧାନଙ୍କ ନେତୃତ୍ବରେ ୨ଶହରୁ ଅଧିକ କର୍ମୀ ସତ୍ୟାଗ୍ରହ ଆନ୍ଦୋଳନ କରିଛନ୍ତି। ସ୍ଥାନୀୟ ନୂଆଁ ବସଷ୍ଟାଣ୍ଡଠାରେ ଏକତ୍ରିତ ହୋଇ ଶୋଭାଯାତ୍ରାରେ ବାହାରି ଅଗ୍ନିପଥ ଯୋଜନା ପ୍ରତ୍ୟାହାର ନହେବା ପର୍ଯ୍ୟନ୍ତ ଏ ଲଢେଇ ଜାରି ରହିବ ବୋଲି ଆନ୍ଦୋଳନକାରୀ ଚେତାବନୀ ଦେଇଥିଲେ। ଏହି ଶାନ୍ତିପୂର୍ଣ୍ଣ ଶୋଭାଯାତ୍ରାରେ ମୋହନା ସମିତି ସଭ୍ୟ ବାଳକୃଷ୍ଣ ମଳିକ, ବିଧାୟକ ପ୍ରତିନିଧି ନିର୍ମଳ ପାଲ, ଚନ୍ଦ୍ରଗିରି ଜୋନ ସଭାପତି ଗୌରୀଶଙ୍କର ପ୍ରଧାନୀ, ଲୁହାଗୁଡି ପୂର୍ବତନ ସମିତି ସଭ୍ୟ ଭଗବାନ ଦଳେଇ, ପୂର୍ବତନ ସରପଞ୍ଚ ଲକ୍ଷ୍ମୀ ଶବର, ହରିହର ସାହୁ, ସାଗର ବଳିଆରସିଂ, ପିଣ୍ଡିକି ସମିତି ସଭ୍ୟ ରମେଶ ବିଷୋୟୀ, ଲକ୍ଷ୍ମଣ ବଳିଆରସିଂ, ରମାକାନ୍ତ ବିଷୋୟୀଙ୍କ ସମେତ ବହୁ ମହିଳା ଓ ପୁରୁଷକର୍ମୀ ଯୋଗ ଦେଇଥିଲେ। ଏହି ଅବସରରେ ସେମାନେ କେନ୍ଦ୍ର ସରକାରଙ୍କ ଯୁବ ବିରୋଧୀ ନୀତିର ସମାଲୋଚନା କରିଥିଲେ।
Comments are closed.