ରେଙ୍ଗାଲିକ୍ୟାମ୍ପ: ଆଜି ଅତାବିରା ସ୍ଥିତ ପ୍ରଜପିତା ବ୍ରହ୍ମାକୁମାରୀ ଇଶ୍ୱରୀୟ ବିଦ୍ୟାଳୟରେ ‘ଦିବ୍ୟ ଶିଶୁ ବ୍ୟକ୍ତିତ୍ବ ବିକାଶ’ ଶିବିର ଅନୁଷ୍ଠିତ ହୋଇଯାଇଛି। କରୋନା ଯୋଗୁଁ ଦୁଇ ବର୍ଷ ଧରି ଏହି କାର୍ଯ୍ୟକ୍ରମ ବନ୍ଦ ରହିଥିବା ବେଳେ ଆଜି ସାରା ଦେଶର ପ୍ରତି ପ୍ରଜାପିତା ବ୍ରହ୍ମା କୁମାରୀ ଈଶ୍ବରୀୟ ବିଦ୍ୟାଳୟ ମାନଙ୍କରେ ଏହି ଶିବିର ଅନୁଷ୍ଠିତ ହୋଇଛି। ଅତାବିରାରେ ୁଆୟୋଜିତ ଏହି ଶିବିରର ଉଦଘାଟନୀ ଉତ୍ସବରେ ଅତାବିରା ଗୋଷ୍ଠୀ ଶିକ୍ଷା ଅଧିକାରୀ ମଛିନ୍ଦ୍ର ମଲ୍ଲିକ ଶିବିର ଯୋଗଦେଇଥିଲେ। ବ୍ରହ୍ମାକୁମାରୀ ବନିତା ଭଉଣୀ ଶିବିରର ଶୁଭାରମ୍ଭ ଘୋଷଣା କରିଥିଲେ। ଏହି ଶିବିରରେ ଶିଶୁ ପ୍ରତିଭା ବିକାଶ ନିମନ୍ତେ ନାଚ, ଗୀତ, ବକ୍ତୃତା, ଚିତ୍ରାଙ୍କନ ଓ ଏକକ ଅଭିନୟ ଆଦି ପ୍ରତିଯୋଗିତା କରାଯାଇଥିଲା । ଅତାବିରା ଏନଏସି ତଥା ବ୍ଲକର ବିଭିନ୍ନ ପ୍ରାନ୍ତରୁ ୧୦ ରୁ ୧୫ ବର୍ଷର ୭୦ ଜଣ ବାଳକ-ବାଳିକା ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ମଧ୍ୟାହ୍ନ ରେ ପ୍ରସାଦ ସେବନର ବିରତି ପରେ ଅପରାହ୍ନ ପ୍ରାୟ ୩ ଟା ସମୟରେ ଏହି ଶିବିର ର ଉଦଯାପନୀ ଉତ୍ସବ ଆରମ୍ଭ ହୋଇଥିଲା ।
ବ୍ରହ୍ମାକୁମାରୀ ବନିତା ଭଉଣୀଙ୍କ ତତ୍ବାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଥୁଆପାଲି ବ୍ରହ୍ନ୍ମାକୁମାରି ସାଧନା କେନ୍ଦ୍ରର ସଂଚାଲିକା ବ୍ରହ୍ମା କୁମାରୀ କୁନ୍ତୀ ଭଉଣୀ ମଞ୍ଚାସୀନ ଥିଲେ। ଏହି ଅବସରରେ ସମାଜସେବୀ ଶ୍ରୀମତୀ ଅନୁସୂୟା ଦେବତା ଙ୍କୁ ଅନ୍ୟତମ ଅତିଥି ରୂପେ ଉପଢୌକନ ଦେଇ ସମ୍ମାନିତ କରାଯାଇଥିଲା। ବ୍ରହ୍ମାକୁମାର ମନୋରଞ୍ଜନ ମିଶ୍ର ସଭା ପରିଚାଳନା କରିଥିଲେ। ସେହିପରି ବିଭିନ୍ନ ପ୍ରତିଯୋଗିତାରେ ପ୍ରଥମ ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ବାଳକ-ବାଳିକାଙ୍କୁ ମାନପତ୍ର ସହ ଟ୍ରଫି ପ୍ରଦାନ କରାଯାଇଥିଲା। ପରିଶେଷରେ ବ୍ରହ୍ମାକୁମାର ମନୋରଞ୍ଜନ ମିଶ୍ର ଧନ୍ୟବାଦ ଅର୍ପଣ କରିଥିଲେ।
