ବୌଦ୍ଧ: ଓଡ଼ିଶାର ଜଣାଶୁଣା ଆଦିବାସୀ ମହିଳା ସମାଜସେବୀ ତଥା ପୂର୍ବତନ ଝାରଖଣ୍ଡ ରାଜ୍ୟପାଳ ଓ ପୂର୍ବତନ ମନ୍ତ୍ରୀ ଦ୍ରୌପଦୀ ମୁର୍ମୁଙ୍କୁ ଏନଡିଏ ପକ୍ଷରୁ ରାଷ୍ଟ୍ରପତି ପ୍ରାର୍ଥୀ ଭାବରେ ଘୋଷଣା କରିବା ପରେ ବୌଦ୍ଧ ଜିଲ୍ଳା ବିଜେପିରେ ଉତ୍ସବର ମାହୋଲ ସୃଷ୍ଟି ହୋଇଛି । ଜିଲ୍ଲା ବିଜେପି କାର୍ଯ୍ୟାଳୟ ଠାରେ ସଭାପତି ବିପ୍ରଚରଣ ମହାନ୍ତିଙ୍କ ନେତୃତ୍ୱରେ ଆୟୋଜିତ ଏକ ନିରାଡମ୍ବର କାର୍ଯ୍ୟକ୍ରମରେ ଦ୍ରୌପଦୀଙ୍କ ରାଷ୍ଟ୍ରପତି ପ୍ରାର୍ଥୀତ୍ୱ ଯୋଗୁଁ ବିଜେପି ସବକା ସାଥ ସବକା ବିକାଶକୁ ଗୁରୁତ୍ୱ ଦେବା ସହିତ ଜଣେ ଆଦିବାସୀ ମହିଳାଙ୍କୁ ଦେଶର ସର୍ବଚ୍ଚୋ ଆସନରେ ବସାଇବାର ନିଷ୍ପତ୍ତି ନେଇଥିବାରୁ ମିଷ୍ଟାନ୍ନ ବଣ୍ଟନ କରି ଉତ୍ସବ ପାଳନ କରିଥିଲେ । ଏହି ଅବସରେ ଜିଲ୍ଲା ବିଜେପିର ଉପସଭାପତି ଶ୍ୟାମସୁନ୍ଦର ପୁରୋହିତ, ସାଧାରଣ ସମ୍ପାଦକ ତାପସ ପଟ୍ଟନାୟକ, ବ୍ୟୋମକେଶ ମହାପାତ୍ର, ବରିଷ୍ଠ ନେତା ମାଗୁଣି ଗାଇଗୌରିଆଙ୍କ ସମେତ ଦଳୀୟ କାର୍ଯ୍ୟକର୍ତ୍ତା ଓ କର୍ମୀମାନେ ଉପସ୍ଥିତ ଥିଲେ । ପରେ ବିଜେପି ପକ୍ଷରୁ ସହରସାରା ବୁଲି ବୁଲି ମିଠା ବଣ୍ଟନ କରାଯାଇଥିଲା ।
Comments are closed.