ଆଠଗଡ଼: କଟକ ଅତିରିକ୍ତ ଜିଲ୍ଲାପାଳ ଆଠଗଡ଼ ଗସ୍ତ କରି ସ୍ଥାନୀୟ ତହସିଲର ବିଭିନ୍ନ କାର୍ଯ୍ୟର ସମୀକ୍ଷା କରିବା ସହିତ କେତେକ ପରାମର୍ଶ ଦେଇଥିବା ଜଣାପଡ଼ିଛି। ଅତିରିକ୍ତ ଜିଲ୍ଲାପାଳ ପୂର୍ଣ୍ଣଚନ୍ଦ୍ର ମିଶ୍ର ଆଠଗଡ଼ ତହସିଲ କାର୍ଯ୍ୟାଳୟରେ ବୁଧବାର ସକାଳେ ପହଞ୍ଚି ତହସିଲର ଜମିଜମା ସଂପର୍କୀତ, ଦାଖଲଖାରଜ ମାମଲା ଏବଂ ବକେୟା ମାମଲାଗୁଡିକର ସମୀକ୍ଷା କରିଥିଲେ। ସରକାରଙ୍କ ଦ୍ୱାରା ଧାର୍ଯ୍ୟ ସମୟସୀମା ମଧ୍ୟରେ ସମସ୍ତ ମାମଲାର ଫଇସଲା କରିବା ସହିତ ଦାଖଲଖାରଜ ମାମଲାଗୁଡିକୁ ଯଥାଶୀଘ୍ର ସମାଧାନ କରି ଜନସାଧାରଣଙ୍କୁ ପଟ୍ଟା ପ୍ରଦାନ ଉପରେ ଅତିରିକ୍ତ ଜିଲ୍ଲାପାଳ ଗୁରୁତ୍ୱାରୋପ କରିଥିଲେ। ଏଥିସହିତ ବିଭିନ୍ନ ପ୍ରମାଣପତ୍ର ପାଇଁ ଆବେଦନ କରୁଥିବା ଲୋକଙ୍କୁ ଧାର୍ଯ୍ୟ ସମୟସୀମା ମଧ୍ୟରେ ପ୍ରମାଣପତ୍ର ଯୋଗାଇଦେବା ଲାଗି ଶ୍ରୀ ମିଶ୍ର ପରାମର୍ଶ ଦେଇଥିଲେ। ସେହିପରି ରାଜସ୍ୱ ଆଦାୟ ଉପରେ ଗୁରୁତ୍ୱାରୋପ କରିବା ସଙ୍ଗେ ସଙ୍ଗେ ଲଘୁ ଖଣିଜ ସାମଗ୍ରୀ ଚୋରା ଚାଲାଣ ରୋକିବା ପାଇଁ ନିୟମିତ ଧରପକଡ କରିବା ଲାଗି ମଧ୍ୟ ସେ ତହସିଲଦାର ଓ ଅନ୍ୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ଅତିରିକ୍ତ ଜିଲ୍ଲାପାଳଙ୍କର ଏହି ଗସ୍ତ ଓ ସମୀକ୍ଷା ସମୟରେ ଉପଜିଲ୍ଲାପାଳ ହେମନ୍ତ କୁମାର ସ୍ୱାଇଁ, ତହସିଲଦାର ପ୍ରିୟବ୍ରତ ଦାସ, ଅତିରିକ୍ତ ତହସିଲଦାର ଅଶୋକ କୁମାର ସ୍ୱାଇଁ, ସବରେଜିଷ୍ଟାର ବିବେକାନନ୍ଦ ବେହେରା ପ୍ରମୁଖ ଉପସ୍ଥିତ ରହି ସମୀକ୍ଷା କାର୍ଯ୍ୟରେ ସହଯୋଗ କରିଥିଲେ।
Popular Categories
Previous article
Next article