ଅଭିଯୁକ୍ତ ବଦଳରେ ନିର୍ଦ୍ଦୋଷଙ୍କୁ କୋର୍ଟ ଚାଲାଣ, ଥାନା ଫାଟକରେ ତାଲା ପକାଇଲେ ଗ୍ରାମବାସୀ

ଧର୍ମଗଡ଼: ଏକ ହତ୍ୟା ମାମଲାରେ ଅଭିଯୁକ୍ତକୁ ଧରିବା ବଦଳରେ ୩ ଜଣ ନିର୍ଦ୍ଦୋଷ ବ୍ୟକ୍ତିଙ୍କୁ ଆମ୍ବପାଣି ଥାନା ପୁଲିସ କୋର୍ଟ ଚାଲାଣ କରିଥିବା ଅଭିଯୋଗରେ ମୃତକଙ୍କ ପରିବାର ସମେତ ଗ୍ରାମବାସୀ ଥାନା ଗେଟରେ ତାଲା ପକାଇ ଧାରଣାରେ ବସିଛନ୍ତି। ସୂଚନା ଅନୁଯାୟୀ ଗତ ୩ତାରିଖ ଦିନ କେନ୍ଦୁଡଙ୍ଗରି ଗାଁର ଦ୍ବାରିକା ଦାସଙ୍କ ଝୁଲନ୍ତା ମୃତଦେହ ଗାଁ ପାଖ ଏକ ଗଛରୁ ଉଦ୍ଧାର କରାଯାଇଥିଲା। ପରିବାର ଲୋକଙ୍କ ଅଭିଯୋଗ କ୍ରମେ ଆମ୍ବପାଣି ପୁଲିସ କିଛି ଲୋକଙ୍କୁ ସନ୍ଦେହରେ ଅଟକ ରଖିଥିଲା। ପରିବାର ପକ୍ଷରୁ ବିକାଶ ଦାସ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ବୋଲି ଅଭିଯୋଗ ହୋଇଥିଲା। ପୁଲିସ ମଧ୍ୟ ଅଟକ ରଖିଥିଲା। କିନ୍ତୁ ପରେ ବିକାଶକୁ ଛାଡ଼ି ପ୍ରଦୀପ ଦାସ, ଯତୀନ ଦାସ ଓ ମହେନ୍ଦ୍ର ନାଏକଙ୍କୁ କୋର୍ଟ ଚାଲାଣ କରିଛି। ଯାହାକୁ ଗ୍ରାମବାସୀ ବିରୋଧ କରି ଥାନା ଗେଟରେ ତାଲା ପକାଇଛନ୍ତି।

Comments are closed.