ବଲାଙ୍ଗିର -ଅଲ୍ ଓଡ଼ିଶା ବ୍ୟାଡମିଣ୍ଟର ର୍ୟାଙ୍କିଙ୍ଗ ଟୁର୍ନାମେଣ୍ଟରେ ବଲାଙ୍ଗିରର ଜି.ଗୌତମ ୯ ବର୍ଷ ଏକକ ବର୍ଗରେ ବିଜୟୀ ହୋଇଛନ୍ତି । ଭୁବନେଶ୍ୱର ପଟିଆ ଉଡାନ ସ୍ପୋର୍ଟସ୍ ଏକାଡେମୀରେ ଗତ ୨୨ରୁ ୨୪ ତାରିଖ ଯାଏ ଖେଳା ଯାଇଥିବା ଅଲ୍ ଓଡ଼ିଶା ବ୍ୟାଡିମିଣ୍ଟନ ର୍ୟାଙ୍କିଙ୍ଗ ପ୍ରତିଯୋଗିତାରେ ସେ ଭାଗ ନେଇଥିଲେ । ତାଙ୍କ ବର୍ଗର ଖେଳାଳିଙ୍କୁ ପଛରେ ପକାଇ ଗୌତମ ଶ୍ରେଷ୍ଠ ବିବେଚିତ ହୋଇଥିଲେ । ତାଙ୍କୁ ଅନ୍ୟତମ ଜଣାଶୁଣା ବ୍ୟାଡମିଣ୍ଟନ ଖେଳାଳି ଅଭିମନ୍ୟୁ ବଗର୍ତ୍ତି ତାଲିମ୍ ଦେଉଥିବା ଜଣାପଡିଛି ।
ଅଭିମନ୍ୟୁଙ୍କ କହିବା ଅନୁସାରେ, ଗୌତମ ବ୍ୟାଡମିଣ୍ଟନର କୌଶଳଗୁଡ଼ିକୁ ନିଖୁଣ ଭାବେ ବ୍ୟବହାର କରନ୍ତି । ଅଳ୍ପ ବୟସର ହୋଇଥିଲେ ବି ଯେଉଁ ପ୍ରତିଭା ତାଙ୍କ ପାଖରେ ରହିଛି, ଆଗକୁ ଅଭ୍ୟାସ ଜାରି ରଖିଲେ ସେ ଜାତୀୟ ସ୍ତରର ଖେଳାଳି ହୋଇପାରିବେ ବୋଲି ଅଭିମନ୍ୟୁ ଆଶା ରଖିଛନ୍ତି । ସୂଚନାଯୋଗ୍ୟ ଯେ, ବଲାଙ୍ଗିର ମନୋହରପୁର ପୁଲିସ କଲୋନୀରେ ରହୁଥିବା ଉତ୍ତମ ଛତ୍ରିଆ ଓ ଗୀତାଞ୍ଜଳି ଛତ୍ରିଆଙ୍କ ପୁଅ ହେଉଛନ୍ତି ଗୌତମ । ସେ ବଲାଙ୍ଗିର କେନ୍ଦ୍ରୀୟ ବିଦ୍ୟାଳୟର ଦ୍ୱିତୀୟ ଶ୍ରେଣୀ ଛାତ୍ର ।
