କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଶିଙ୍ଗାରି ପଞ୍ଚାୟତର ବଡବ୍ରାହ୍ମଣଗୁଡାଠାରେ ଓଡ଼ିଶା ଜୀବିକା ମିଶନ ତରଫରୁ କୁକୁଡ଼ା ଚାଷ ନିମନ୍ତେ କୁକୁଡ଼ା ଛୁଆ ବଣ୍ଟନ କରାଯାଇଛି । ଓଡ଼ିଶା ଜୀବିକା ମିଶନ ତରଫରୁ ସ୍ୱୟଂସହାୟକ ଗୋଷ୍ଠୀର ମହିଳାମାନଙ୍କୁ ରୋଜଗାରକ୍ଷମ ଓ ସ୍ୱାବଲମ୍ବୀ ହେବା ପାଇଁ କୁକୁଡ଼ା ଚାଷ ଏକ ଉତ୍କୃଷ୍ଟ ମାଧ୍ୟମ । କୁକୁଡ଼ା ଚାଷ ପାଇଁ ଶିଙ୍ଗାରି ପଞ୍ଚାୟତର ସାନ ଓ ବଡବ୍ରାହ୍ମଣଗୁଡା ଗାଁର ୪୦ଜଣ ହିତାଧିକାରୀଙ୍କୁ ଜଣକ ପିଛା ୨୫ଟି ଲେଖାଏଁ ସୋନାଲି ପ୍ରଜାତିର କୁକୁଡ଼ା ଛୁଆ ବଣ୍ଟନ କରାଯାଇଛି । ଏହାକୁ କିପରି ଭାବରେ ପାଳନ କରିବେ ବ୍ଲକ ପ୍ରାଣୀଧନ ଚିକିତ୍ସକ ଚିନ୍ମୟ କୁମାର ସାହୁ ଉପସ୍ଥିତ ରହି ମହିଳାମାନଙ୍କୁ ପ୍ରାଞ୍ଜ୍ବଳ ଭାବରେ ବୁଝାଇଥିଲେ । ହିତାଧିକାରୀମାନେ ନିଜନିଜ ଘରେ କୁକୁଡ଼ା ଛୁଆ ରଖି ପାଳନ କରିବେ, ତାହାକୁ ଓଡ଼ିଶା ଜୀବିକା ମିଶନର ପ୍ରାଣୀମିତ୍ର ସମସ୍ତ ପ୍ରକାର ସହଯୋଗ ଓ ତଦାରଖ କରିବେ । ଏହାଦ୍ୱାରା ହିତାଧିକାରୀମାନେ ସ୍ୱାବଲମ୍ବୀ ସହ ରୋଜଗାରକ୍ଷମ ହୋଇପାରିବେ । ଏହି କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ଅମ୍ବ୍ରିତା କାଡ୍ରାକା ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସରପଞ୍ଚ ନାଲା ପ୍ରେପକା, ମହିଳା ସଂଘର ସଭାନେତ୍ରୀ କୁମାରୀ ପୂଜାରୀ, ଓଡ଼ିଶା ଜୀବିକା ମିଶନର ସମସ୍ତ କର୍ମଚାରୀ, ବ୍ଲକ ପ୍ରକଳ୍ପ ପରିଚାଳକ କଳ୍ପତରୁ ବେହେରା ପ୍ରମୁଖ ଉପସ୍ଥିତ ରହିଥିଲେ । ଏହାପୂର୍ବରୁ ନିୟମଗିରି ପାହାଡ଼ରେ ବସବାସ କରୁଥିବା ଡଙ୍ଗରିଆ କନ୍ଧ ବୁଡୁଣୀ ଗାଁରେ, ଜକୁଡି, କାନସୁର ଗାଁରେ ଲୀୟର ଜାତୀୟ କୁକୁଡ଼ା ପ୍ରାୟ ଦୁଇ ଶହଟି ବଣ୍ଟନ କରାଯାଇଛି ।
Comments are closed.