ଲଖନଉ: ବହୁ ଚର୍ଚ୍ଚିତ ଉତ୍ତରପ୍ରଦେଶର ଲଖିମପୁର ଖେରୀ ହିଂସା ମାମଲା । ମୁଖ୍ୟ ଅଭିଯୁକ୍ତ ଆଶିଷ ମିଶ୍ରଙ୍କୁ ପୁଣି ଏକ ଝଟକା ଲାଗିଛି । ସୁପ୍ରମିକୋର୍ଟ ଆଶିଷଙ୍କ ଜାମିନ ରଦ୍ଦ କରିଥିବା ବେଳେ ପୁଣି ଥରେ ସେ ଜେଲ ଯିବେ ବୋଲି ସ୍ପଷ୍ଟ ହୋଇଛି । ଗୋଟିଏ ସପ୍ତାହ ମଧ୍ୟରେ ସୁପ୍ରମକୋର୍ଟ କୋର୍ଟରେ ହାଜର ହେବାକୁ ଆଶିଷଙ୍କୁ ନିର୍ଦେଶ ଦେଇଛନ୍ତି । ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଏନ.ଭି ରମଣା, ଜଷ୍ଟିସ ସୂର୍ଯ୍ୟକାନ୍ତ ଓ ଜଷ୍ଟିସ ହିମା କୋହଲିଙ୍କୁ ନେଇ ଗଠିତ ବେଞ୍ଚ୍ ଏହି ମାମଲାର ଶୁଣାଣି କରି ନିର୍ଦେଶ ଦେଇଛନ୍ତି । ପୂର୍ବରୁ ଏହି ଘଟଣାରେ ଆଶିଷ ମିଶ୍ରଙ୍କୁ ଆଲ୍ଲହାବାଦ ହାଇକୋର୍ଟ ଜାମିନ ପ୍ରଦାନ କରିଥିଲେ । ହେଲେ ଲଖିମପୁର ହିଂସାକାଣ୍ଡରେ ପୀଡ଼ିତ ହୋଇଥିବା ପରିବାର ସୁପ୍ରିମ୍କୋର୍ଟର ଦ୍ୱାରସ୍ଥ ହୋଇଥିଲେ । ଶେଷରେ ସୁପ୍ରିମକୋର୍ଟ ପୀଡ଼ିତଙ୍କ ପରିବାର ସପକ୍ଷରେ ରାୟ ପ୍ରଦାନ କରିଛନ୍ତି । ଯାହା ଫଳରେ ପୁଣିଥରେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ରଙ୍କ ପୁଅ ଆଶିଷ ମିଶ୍ରଙ୍କୁ ଜେଲ ଯିବାକୁ ପଡ଼ିବ ।
Comments are closed.