ଭୁବନେଶ୍ୱର : ଦୁଇଦିନିଆ ନେପାଳ ଗସ୍ତରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁକ୍ରବାର ଗସ୍ତ କରିଛନ୍ତି। ଶ୍ରୀ ପ୍ରଧାନ ନେପାଳର ରାଷ୍ଟ୍ରପତି ବିଦ୍ୟା ଦେବୀ ଭଣ୍ଡାରି, କାର୍ଯ୍ୟବାହକ ପ୍ରଧାନମନ୍ତ୍ରୀ ଈଶ୍ୱର ପୋଖରେଲ ଓ ବିଭିନ୍ନ ବିଭାଗର ମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି। ପେଟ୍ରୋଲିୟମ ଉତ୍ପାଦ, ପାଇପଲାଇନ ଓ ନେପାଳରେ କାମ ଚାଲିଥିବା ଅନ୍ୟ ତୈଳ ଓ ଗ୍ୟାସ ପ୍ରକଳ୍ପର ପ୍ରଗତି ସମ୍ପର୍କରେ ଉଭୟ ପକ୍ଷଙ୍କ ମଧ୍ୟରେ ଆଲୋଚନା ହୋଇଛି। ଶ୍ରୀ ପ୍ରଧାନ ନେପାଳର ସ୍ୱରାଷ୍ଟ୍ର ମନ୍ତ୍ରୀ ରାମ ବାହାଦୁର ଥାପ୍ପା ଓ ତୈଳମନ୍ତ୍ରୀ ମାତ୍ରିକା ପ୍ରସାଦ ଯାଦବଙ୍କ ସହ ମଧ୍ୟ ଆଲୋଚନା କରିଛନ୍ତି। ଏହି ଆଲୋଚନାରେ ନେପାଳର ଆମଲେକଗଞ୍ଜ ପର୍ଯ୍ୟନ୍ତ ବିହାରର ମୋତିହାରୀଠାରୁ ପେଟ୍ରୋଲ,ଡିଜେଲ ଓ ଏଟି୍ଏଫ ପାଇପଲାଇନର କାମ ଶୀଘ୍ର ଶେଷ କରିବା ନେଇ ଉଭୟ ପକ୍ଷଙ୍କ ସହମତି ହୋଇଛି। ଭାରତରୁ ନେପାଳ ମଧ୍ୟରେ ଏଲ୍ପିଜି ପାଇପଲାଇନ ଓ ଫର୍ଟିଲାଇଜର ପ୍ଲାଣ୍ଟ ପାଇଁ ନ୍ୟାଚୁରାଲ ଗ୍ୟାସ୍ ପାଇପଲାଇନ ବିଛାଇବା ପାଇଁ ସମ୍ଭାବନା ଉପରେ ବୈଠକରେ ଆଲୋଚନା ହୋଇଥିଲା। ଏହି ପ୍ରକଳ୍ପ ଗୁଡିକରେ ଆଇଓସି ଓ ନେପାଳ ଅଏଲ କର୍ପୋରେସନ ମିଶି କାର୍ଯ୍ୟ କରିବେ। ଏହି ଅବସରରେ ଶ୍ରୀ ପ୍ରଧାନ ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଗିରିରାଜ ମଣି ପୋଖରେଲଙ୍କ ସହ ଆଲୋଚନା କରି ଦକ୍ଷତା ବିକାଶ ଓ ଉଦ୍ୟମିତା କ୍ଷେତ୍ରରେ ସହଯୋଗ ଲୋଡିଥିଲେ।
Popular Categories
Previous article
Next article