ବିଦିଶା: ମଧ୍ୟପ୍ରଦେଶର ବିଦିଶାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ୬ଟି ସନ୍ତାନର ମାଆ ଜଣେ ଯୁବକଙ୍କୁ ଭଲପାଉଥିଲେ ଓ ଏବେ ସେ ନିଜ ପିଲାମାନଙ୍କୁ ଛାଡ଼ି ପ୍ରେମିକ ସହ ପଳାଇଥିବା ଜଣାପଡ଼ିଛି। ମିଳିଥିବା ସୂଚନା ମୁତାବକ, ମହିଳାଙ୍କ ସ୍ବାମୀଙ୍କର ମୃତ୍ୟୁ ହୋଇଯାଇଛି। ସେ ନିଜ ପିଲାମାନଙ୍କ ସହ ଏକାକୀ ରହୁଥିଲେ।
ବିଦିଶାର ଶମଶାବାଦ ସ୍ଥିତ ବାଡେର ଗାଁରେ ଘଟିଛି ଏହି ଘଟଣା। ୩୦ ବର୍ଷୀୟ ମହିଳା ନିଜ ପିଲାମାନଙ୍କୁ ବେସାହାରା କରି ଛାଡ଼ି ଦେଇ ପ୍ରେମିକ ସହ ପଳାଇଛନ୍ତି। ପୂର୍ବରୁ ପିଲାମାନଙ୍କ ମୁଣ୍ଡରୁ ପିତାଙ୍କ ଛାୟା ଉଠି ସାରିଥିବା ବେଳେ ଏବେ ମାଆ ଛାଡ଼ି ପଳାଇବା ପରେ ନିରୀହ ପିଲାଙ୍କ ସାମ୍ନାରେ ବଡ଼ ସଙ୍କଟ ଉଭା ହୋଇଛି। ମହିଳାଙ୍କର ୫ଟି ଝିଅ ଓ ଗୋଟିଏ ପୁଅ। ପୁଲିସ ନିକଟରେ ମହିଳାଙ୍କ ନିଖୋଜ ଏତଲା ଦାୟର ହୋଇଛି।
ଅପରପକ୍ଷେ, ଭାଉଜଙ୍କ ବ୍ୟାଙ୍କ୍ ଖାତା ଅଚଳ କରିବାକୁ ପୁଲିସ ନିକଟରେ ଦାବି କରିଛନ୍ତି ମହିଳାଙ୍କ ନଣଦ। ନଣଦଙ୍କ କହିବାନୁସାରେ, ପାଣି ଟାଙ୍କରୁ ଖସି ତାଙ୍କ ଭାଇଙ୍କର ମୃତ୍ୟୁ ଘଟିଥିଲା। ଏନେଇ ୧୫ ଲକ୍ଷ ଟଙ୍କାର କ୍ଷତିପୂରଣ ମିଳିବାର ଅଛି। ତାଙ୍କ ଭାଉଜ ନିଜ ୬ ପିଲାଙ୍କୁ ଛାଡ଼ି ପଡ଼ୋଶୀ ଯୁବକ ସହ ଫେରାର ହୋଇ ଯାଇଛନ୍ତି। ତେଣୁ ଆମେ ଚାହୁଁଛୁ ଯେ, ସେହି କ୍ଷତିପୂରଣ ଟଙ୍କା ଭାଉଜଙ୍କ ନମିଳୁ ବୋଲି ନଣଦ କହିଛନ୍ତି।
Comments are closed.