ନୂଆଦିଲ୍ଲୀ – ରୁଷ୍ ଏବଂ ୟୁକ୍ରେନ୍ ମଧ୍ୟରେ ଚାଲିଛି ଘମାଘୋଟ୍ ଯୁଦ୍ଧ । ଏପଟେ ନାଟୋରେ ୟୁକ୍ରେନ୍କୁ ସାମିଲ୍ କରାଯାଇ ନଥିଲେ ବି ଆମେରିକା ଏବଂ ନାଟୋ ଦେଶ ୟୁକ୍ରେନ୍କୁ ଅସ୍ତ୍ରଶସ୍ତ୍ର ସହ ଅନ୍ୟ ସାମରିକ ସହାୟତା ଯୋଗାଇ ଦିଆଯାଉଛି ।
ଜାତିସଂଘର ସାଧାରଣ ସଭାରେ ବାରମ୍ବାର ରୁଷ୍ ବିରୋଧରେ ଆମେରିକା ସହ ଅନ୍ୟ ଦେଶମାନେ ବିଭିନ୍ନ ନିନ୍ଦା ପ୍ରସ୍ତାବ ଆଗତ କରୁଛନ୍ତି । ଏବେ ଆମେରିକା ସହ ଭାରତର ସୁ ସମ୍ପର୍କ ଗଢି ଉଠଥିବା ବେଳେ ରୁଷ୍ ଆମର ପୁରୁଣା ବନ୍ଧୁ । ପାକିସ୍ତାନ ସହ ଯୁଦ୍ଧ ସହ ଭାରତର ଅସମୟ ସମୟରେ ରୁଷ୍ ଛିଡା ହେବାସହ ସହାୟତା ଯୋଗାଇ ଆସିଛି । ଭାରତକୁ ସବୁଠାରୁ ଅଧିକ ସାମରିକ ସରଂଜାମ ରୁଷ୍ ଯୋଗାଇ ଦେଇଛି । ଏଥିପାଇଁ ଭାରତ ରୁଷ୍ ବିରୋଧରେ ମତ ଦାନ କରିପାରୁ ନାହିଁ କି ଆମେରିକାର ସମର୍ଥନ କରୁନାହିଁ ।
ଅଧିକାଂଶ ସମୟ ଭାରତ ଶାନ୍ତିର ବାର୍ତ୍ତା ଦେବା ସହ ମତଦାନରୁ ବିରତ ରହୁଛି । ୯ ଥର ଭାରତ ମତଦାନରୁ ବିରତ ରହିସାରିଲାଣି । ଗୁରୁବାରର ରୁଷ୍ ବିରୋଧରେ ଆଗତ ପ୍ରସ୍ତାବରେ ମଧ୍ୟ ଭାରତ ସମାନ ନୀତିରେ ମତଦାନରୁ ବିରତ ରହିବ ବୋଲି ଅନୁମାନ କରାଯାଉଛି । ଗୁରୁବାରରେ ରୁଷ୍କୁ ମାନବାଧିକାର କାଉନ୍ସିଲ୍ରୁ ନିଲମ୍ବନ କରିବା ପାଇଁ ଆମେରିକା ପ୍ରସ୍ତାବ ଆଗତ କରିବ । ଭାରତ ଏହି ମତଦାନରୁ ବିରତ ରହିବାର ସମ୍ଭାବନା ଅଧିକ ।
ଆମେରିକାର ସମର୍ଥନରେ ମତଦାନ କରିବା ସହ ରୁଷ୍କୁ ବିରୋଧ କରିବା ପାଇଁ ଭାରତ ଉପରେ ଚାପ ପ୍ରୟୋଗ କରୁଛି ।
Comments are closed.