ନୂଆଦିଲ୍ଲୀ: ରୁଷ ଓ ୟୁକ୍ରେନକୁ ଯୁଦ୍ଧ ପ୍ରସଙ୍ଗକୁ ନେଇ ଭାରତ ତାର ବିବୃତି ରଖିଛି । ଭାରତ କହିଛି ୟୁକେନର ଏହି ବିନାଶକୁ ନେଇ ଭାରତ ଦୁଃଖିତ ଓ ଚିନ୍ତିତ ଅଛି । ଏହି ଶତ୍ରୁତାକୁ ତୁରନ୍ତ ଶେଷ କରାଯାଉବୋଲି ଭାରତ ଦୁଇ ଦେଶକୁ ଅପିଲ କରିଛି । ତିରୁମୂର୍ତ୍ତି ଆହୁରି କହିଛନ୍ତି ଏହା ଦୁଃଖର ବିଷୟ ହିଂସା ଏବଂ ଶତ୍ରୁତାକୁ ତୁରନ୍ତ ଦୂର କରିବା ପାଇଁ ସମସ୍ତ ସଦସ୍ୟ ଦେଶ ଉଦ୍ୟମ କରିବା ଉଚିତ । ମାନବର ଜୀବନ ବଳିଦାନରେ କୌଣସି ସମସ୍ୟାର ସମାଧାନ ହେବନାହିଁ ।
୨୪ ଫେବ୍ରୁଆରୀରେ ୟୁକ୍ରେନ୍ ଉପରେ ରୁଷ ଆକ୍ରମଣ କାରିଛି । ପରେ ଉଭୟଙ୍କ ମଧ୍ୟରେ ଯୁଦ୍ଧ ଲାଗିରହିଛି । ତିରୁମୂର୍ତ୍ତି ଏହି ଘଟଣାକୁ ନେଇ ଭାରତୀୟ ଛାତ୍ର ଛାତ୍ରୀଙ୍କ କଥା ମଧ୍ୟ ଉଠାଇଛନ୍ତି । ସେ କହିଛନ୍ତି ୟୁକ୍ରେନରେ ଭାରତୀୟ ସମ୍ପ୍ରଦାୟ ଏବଂ ଛାତ୍ରଛାତ୍ରୀ ଫସି ରହିଛନ୍ତି । ଛାତ୍ରଛାତ୍ରୀଙ୍କ ସୁରକ୍ଷାକୁ ନେଇ ଭାରତ ଚିନ୍ତା ପ୍ରକଟ କରୁଛି । ସେମାନଙ୍କୁ ସୁରକ୍ଷା ଅନୁସାରେ ସ୍ୱଦେଶ ଫେରାଇ ଆଣିବାକୁ ମଧ୍ୟ ଉଦ୍ୟମ କରାଯାଉଛି । ତାହା ସହ କୂଟନୈତିକ ପଥକୁ ଫେରିବା ପାଇଁ ରୁଷ ଏବଂ ୟୁକ୍ରେନକୁ ନିବେଦନ କରିଛନ୍ତି ତିରୁମୂର୍ତ୍ତି ।
