ନୂଆଦିଲ୍ଲୀ: ୱେଷ୍ଟଇଣ୍ଡିଜ୍ ବିପକ୍ଷ ଦିନିକିଆ ଶୃଙ୍ଖଳାକୁ ଜିତିବା ପରେ ଏବେ ଭାରତୀୟ ଦଳ ଟ୍ବେଣ୍ଟି୨୦ ଶୃଙ୍ଖଳା ଉପରେ ନଜର ରଖିଛି। ଏହା ପୂର୍ବରୁ ରୋହିତ ଶର୍ମାଙ୍କ ନେତୃତ୍ବାଧିନ ଭାରତୀୟ ଦଳକୁ ଧକ୍କା ଲାଗିଛି। କଲକାତାରେ ଚଳିତ ଫେବୃଆରୀ ୧୬ରୁ ୨୦ ପର୍ଯ୍ୟନ୍ତ ଖେଳାଯିବାକୁ ଥିବା ୩ ମ୍ୟାଚ ବିଶିଷ୍ଟ ଟ୍ବେଣ୍ଟି୨୦ ଶୃଙ୍ଖଳାରୁ ବ୍ୟାଟ୍ସମ୍ୟାନ ତଥା ଉପ ଅଧିନାୟକ ଲୋକେଶ ରାହୁଲ ଓ ବାମହାତୀ ସ୍ପିନର ଅକ୍ଷର ପଟେଲ ବାଦ୍ ପଡିଛନ୍ତି। ଆହତ କାରଣରୁ ଦୁଇ ଖେଳାଳିଙ୍କୁ ଦଳରୁ ବାଦ୍ ଦିଆଯାଇଥିବା ବିସିସିଆଇ ପକ୍ଷରୁ ସୂଚନା ଦିଆଯାଇଛି। ତାଙ୍କ ସ୍ଥାନରେ ଋତୁରାଜ ଗାଏକ୍ବାର୍ଡ ଓ ଦୀପକ ହୁଡାଙ୍କୁ ସାମିଲ କରାଯାଇଛି। ଉଭୟ ଋତୁରାଜ ଓ ହୁଡା ଦିନିକିଆ ଶୃଙ୍ଖଳାରେ ରହିଥିଲେ। ରାହୁଲ ୯ରେ ଖେଳାଯାଇଥିବା ଦ୍ବିତୀୟ ଦିନିକିଆରେ ଫିଲ୍ଡିଂ କରୁଥିବା ସମୟରେ ଆହତ ହୋଇଥିଲେ। ତାଙ୍କ କହୁଣୀରେ ଆଘାତ ଲାଗିଥିଲା। ଫଳରେ ଶୁକ୍ରବାର ତୃତୀୟ ଦିନିକିଆରେ ଖେଳିନଥିଲେ। ସେହିପରି ଆହତ ହୋଇଥିବା ଅକ୍ଷର ପଟେଲ ସମ୍ପୂର୍ଣ୍ଣ ସୁସ୍ଥ ହୋଇନଥିବାରୁ ଦଳରୁ ବାଦ୍ ପଡିଛନ୍ତି। ଫେବୃଆରୀ ୨୫ରୁ ଶ୍ରୀଲଙ୍କା ବିପକ୍ଷ ଶୃଙ୍ଖଳା ପୂର୍ବରୁ ରାହୁଲ ଓ ଅକ୍ଷର ସୁସ୍ଥ ହୋଇଯାଇଥିବା ନେଇ ବିସିସିିିଆଇ ଲକ୍ଷ୍ୟ ରଖିଛି।
Popular Categories
Previous article
Next article