ବାଙ୍କୀ : ତ୍ରୀସ୍ତରୀୟ ପଞ୍ଚାୟତ ନିର୍ବାଚନକୁ ଯଥାକ୍ରମେ ଶୃଙ୍ଖଳିତ ପରିଚାଳନା କରିବା ପାଇଁ ନିର୍ବାଚନ ଅଧିକାରୀଙ୍କ ନିର୍ଦ୍ଦେଶ କ୍ରମେ ବ୍ଲକ ସ୍ତରରେ ଯଥାକ୍ରମେ ପ୍ରିଜାଇଡିଂ ଓ ଫାଷ୍ଟପୋଲିଂ ଅଫିସର ମାନଙ୍କୁ ସବିଶେଷ ପ୍ରଶିକ୍ଷଣ ପ୍ରଦାନ କରାଯାଉଛି। ଏହି ପରିପ୍ରେକ୍ଷୀରେ ଗୁରୁବାର ଦିନ ପୂର୍ବାହ୍ନରେ ବାଙ୍କୀ ବ୍ଲକ ସମ୍ମିଳନୀ ପ୍ରକୋଷ୍ଠରେ ନିର୍ବାଚନ ପରିଚାଳନା ନିମନ୍ତେ ୫୨ଜଣ ଫାଷ୍ଟପୋଲିଂ ଏବଂ ପ୍ରିଜାଇଡିଂ ଅଫିସର ମାନଙ୍କୁ ପ୍ରଶିକ୍ଷଣ ଦିଆଯାଇଛି। ଗ୍ରାମପଞ୍ଚାୟତ ଅଧିକାରୀଙ୍କ ସୂଚନା ଅନୁଯାୟୀ ଗତ ଫେବ୍ରୁଆରୀ ୪ତାରିଖରେ ୨ଟି ପର୍ଯ୍ୟାୟରେ ୨୩୪ ଏବଂ ଫେବୃୟାରୀ ୬ତାରିଖରେ ୨୦୦ଜଣ କରି ମୋଟ ୪୩୪ଜଣଙ୍କୁ ଏହି ପ୍ରଶିକ୍ଷଣ ଦିଆଯାଇଥିଲା ବେଳେ ଆଜି ୩ୟ ପର୍ଯ୍ୟାୟରେ ୫୨ଜଣଙ୍କୁ ପ୍ରଶିକ୍ଷଣ ଦିଆଯାଇଛି। ବ୍ଲକ ମଙ୍ଗଳ ଅଧିକାରୀ ଚିତ୍ତରଞ୍ଜନ ବେହେରା ଏବଂ ଅତିରିକ୍ତ ବିଡିଓ ସୁଚିସ୍ମିତା ନାୟକ ପ୍ରଶିକ୍ଷଣ ପ୍ରଦାନ କରିଥିଲା ବେଳେ ମନୋଜ କୁମାର ସିଂ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଛନ୍ତି। ବିଡିଓ ପ୍ରଦୀପକ୍ତ କୁମାର ଶତପଥିଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମ ସଞ୍ଚାଳିତ ହୋଇଥିଲା।
Popular Categories
Previous article
Next article