ବାଙ୍କୀ : ବାଙ୍କୀ ବିଲିପଡା ଗ୍ରାମପଞ୍ଚାୟତ ସ୍ଥିତ ଶ୍ରୀଶ୍ରୀ ଭାଗବତ ଗୋସ୍ୱାମୀ ଦେବଙ୍କ ପଞ୍ଚଦଶ ବାର୍ଷିକ ମହୋତ୍ସବ ଅବସରରେ ଏକ ଭାବପୂର୍ଣ୍ଣ କଳସ ଯାତ୍ରା ମହାନଦୀ ରେଣୁକା ଘାଟରୁ ଚକ୍ରପାଣି ପୀଠକୁ ଯାତ୍ରା କରିଛି। ଗୁରୁବାର ଦିନ ପ୍ରତ୍ୟୁଷରୁ ଶାନ୍ତିପୂର୍ଣ୍ଣ ଓ ନିରାଡମ୍ବର ଭାବରେ ଆୟୋଜିତ କଳସ ଯାତ୍ରାରେ ସହସ୍ରାଧିକ ଭକ୍ତ ମାନେ ସାମିଲ ହୋଇ ଦୀର୍ଘ ୫କିମି ରାସ୍ତା ପାଦରେ ଚାଲି କଳସ ସ୍ଥାପନ କରିଛନ୍ତି। ଆଜି ଠାରୁ ମହୋତ୍ସବର ଉଦ୍ଦ୍ଘାଟନୀ କାର୍ଯ୍ୟକ୍ରମ ସହିତ ଆସନ୍ତା ମାଘ ପୂର୍ଣ୍ଣିମା ପର୍ଯ୍ୟନ୍ତ ଏହି ପୀଠରେ ଅହୋରାତ୍ର ଭାଗବତ ପଠନ ଓ ଯଜ୍ଞାଦି କାର୍ଯ୍ୟ ସଞ୍ଚାଳିତ ହୋଇ ବୁଧବାର ଦିନ ମହୋତ୍ସବର ପୂଣ୍ଣାହୂତୀ କାର୍ଯ୍ୟ ସମାପନ ହେବ। ବିଲିପଡା ଗ୍ରାମବାସୀ ଓ ଜନସାଧାରଣଙ୍କ ସମ୍ପୂର୍ଣ୍ଣ ସହଯୋଗ ଭିତ୍ତିକ ଆଧ୍ୟାତ୍ମିକ କାର୍ଯ୍ୟକ୍ରମଟି ଧର୍ମିୟ ଚେତନା ଓ ଆତ୍ମବିଶ୍ୱାସର ସହ ଦୀର୍ଘ ୧୫ବର୍ଷ ଧରି ସଞ୍ଚାଳିତ ହେଉଥିବାରୁ ଶ୍ରୀଶ୍ରୀ ଭାଗବତ ଗୋସ୍ୱାମୀ(ଚକ୍ରପାଣି)ଙ୍କ ପ୍ରତି ଅଞ୍ଚଳର ଆଧ୍ୟାତ୍ମିକ ବିଶ୍ୱାସ ବୋଧ ବୃଦ୍ଧି ପାଇଛି।
Popular Categories
Previous article
Next article