ବେଗୁନିଆ : ବେଗୁନିଆ ତହସିଲ ଅଧିନସ୍ଥ ବାଘମାରୀ ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟରେ କାର୍ଯ୍ୟରତ ଜନୈକ ବ୍ୟକ୍ତି ଦୁର୍ବ୍ୟବହାର କରିବା ସହିତ କାର୍ଯ୍ୟାଳୟରୁ ସରକାରୀ କାଗଜ ପତ୍ର ନେଇ ପଳାଇଯାଇଥିଲେ । ବାଘମାରୀ ପୁଲିସ ଅଭିଯୋଗ ପାଇ ଅଭିଯୁକ୍ତକୁ ଥାନାରେ ଅଟକ ରଖି ଘଟଣାର ତଦନ୍ତ କରୁଛି । ବାଘମାରୀ ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟରେ ରାଜସ୍ୱ ନିରୀକ୍ଷକ ନଥିବାବେଳେ ଅମିନ ବୁଟୁ ସାହୁ ଦାୟିତ୍ୱରେ ଥାଇ ସମସ୍ତ କାର୍ଯ୍ୟ କରୁଥିଲେ । ଆଜି ଅପରାହ୍ନରେ ଦୁର୍ଗାପୁର ପଞ୍ଚାୟତ ଅନ୍ତର୍ଗତ ବେଙ୍ଗିଟାଙ୍ଗି ଗ୍ରାମର ଦୁଷ୍ମନ୍ତ ସାମନ୍ତରାୟ ତାଙ୍କର କୌଣସି କାମରେ ସମ୍ପୃକ୍ତ କାର୍ଯ୍ୟାଳୟକୁ ଆସି କାର୍ଯ୍ୟ ନହେବାରୁ ଶ୍ରୀ ସାହୁଙ୍କ ସହିତ ଯୁକ୍ତିତର୍କ ହୋଇଥିଲା । ତା’ପରେ ସେ ଗାଳିଗୁଲଜ କରି ସରକାରୀ କାଗଜପତ୍ର ନେଇ ପଳାଇଯାଇଥିଲେ । ବୁଟୁ ସାହୁ ବାଘମାରୀ ଥାନାରେ ଅଭିଯୋଗ କରିବା ପରେ ପୁଲିସ ଦୁଷ୍ମନ୍ତଙ୍କୁ ଥାନାକୁ ଆଣି ତାଙ୍କ ଠାରୁ ସରକାରୀ କାଗଜ ପତ୍ର ଉଦ୍ଧାର କରି ତାଙ୍କୁ ଅଟକ ରଖି ଘଟଣାର ତଦନ୍ତ କରୁଛି ।
Popular Categories
Previous article
Next article