ବାଙ୍କୀ: ବାଙ୍କୀ ନିର୍ବାଚନ ମଣ୍ଡଳୀ ଅଧିନ ୩୭ ନମ୍ବର ଜୋନରେ ବିଜେପି ଓ କଂଗ୍ରେସର ନିର୍ବାଚନ ପ୍ରଚାର କାର୍ଯ୍ୟ ତ୍ୱରାନ୍ୱିତ ହୋଇଛି। ରବିବାର ଅପରାହ୍ନରେ ବିଜେପି ଜିଲ୍ଲାପରିଷଦ ପ୍ରାର୍ଥିନୀ ସଂଗୀତା ପ୍ରିୟଦର୍ଶିନୀ ସାହୁ ଶିମିଳିପୁର ପଞ୍ଚାୟତର କରବର ଗ୍ରାମରେ ଘର ଘର ବୁଲି ଭୋଟ୍ ଭିକ୍ଷା କରିଛନ୍ତି। ତାଙ୍କ ସହିତ ସରପଞ୍ଚ ପ୍ରାର୍ଥୀ ଗୁରୁବାରୀ ନାୟକ ଏବଂ ସମିତି ସଭ୍ୟା ପ୍ରାର୍ଥିନୀ କୁନିରାଣୀ ବେହେରା ସାମିଲ ହୋଇ ନିଜ ସପକ୍ଷରେ ଘର ଘର ବୁଲି ଭୋଟ୍ ଭିକ୍ଷା କରିଛନ୍ତି। ସମସ୍ତ ଯୁବ ପ୍ରାର୍ଥି ନିର୍ବାଚନରେ ପ୍ରଥମ କରି ପାଦ ରଖିଥିବାରୁ ଭୋଟରମାନଙ୍କୁ ନିଜ ସପକ୍ଷରେ ମତ ବଢାଇବା ପାଇଁ ସୁଯୋଗ ଭିକ୍ଷା କରିଛନ୍ତି। ବିନା ଦୁର୍ନୀତିରେ ରାଜନୀତିକୁ ସେବାରେ ପରିଣତ କରିବା ପାଇଁ ବିଜେପି ଜିଲ୍ଲାପରିଷଦ ପ୍ରାର୍ଥିନୀ ମୁଦା ରଖିଛନ୍ତି।
ସେହିପରି ରବିବାର ସକାଳେ ଏହି ଗ୍ରାମରେ କଂଗ୍ରେସ ଜିଲ୍ଲା ପରିଷଦ ପ୍ରାର୍ଥିନୀ କୁନି ପ୍ରଧାନ ଅନୁରୂପ ଭାବରେ ୩୭ ନମ୍ବର ଜୋନ୍ର ଜିଲ୍ଲା ପରିଷଦ ପ୍ରାର୍ଥିନୀ ଭାବରେ ଜାତୀୟ କଂଗ୍ରେସ ଚିହ୍ନରେ ଘର ଘର ବୁଲି ଭୋଟ ଭିକ୍ଷା କରିଛନ୍ତି। ଶିମିଳିପୁର ପଞ୍ଚାୟତର କଂଗ୍ରେସ ସମର୍ଥିତ ସରପଞ୍ଚ ପ୍ରାର୍ଥୀ ବାବୁଲି ଦଳେଇ ଘର ଘର ବୁଲି ଭୋଟ୍ ଭିକ୍ଷା କରିଛନ୍ତି। ଶିମିଳିପୁର ପଞ୍ଚାୟତର ସର୍ବାଙ୍ଗୀନ ଉନ୍ନତି ଓ ବିକାଶ ପାଇଁ କାର୍ଯ୍ୟ କରିବେ ବୋଲି ପ୍ରତିଶୃତି ଦେଉଥିବା ଜଣାପଡିଛି।
Comments are closed.