ସମ୍ବଲପୁର: ସମ୍ବଲପୁରର କଚେରୀ ରୋଡ ସ୍ଥିତ ଜୁଡୋ ହଲ ଠାରେ ମାଗଣାରେ କୁସ୍ତି ତାଲିମ ଶିବିରର ଶୁଭାରମ୍ଭ ମଙ୍ଗଳବାର ଅପରାହ୍ନରେ ହୋଇଯାଇଛି। ଏହି ଶିବିରରେ ଭାରତ ସିନିୟର ମହିଳା କୁସ୍ତି ଦଳ ପାଇଁ ୨୦୧୭ ରୁ ୨୦୨୦ ପର୍ଯ୍ୟନ୍ତ ଏବଂ ୨୦୨୧ ମସିହାରେ ବିଶ୍ୱ କୁସ୍ତି ପ୍ରତିଯୋଗୀତାରେ ଭାରତୀୟ ଜୁନିୟର ମହିଳା ଦଳର କୋଚ ରହିଥିବା ମନିଷା ସାମଲ ଶିବିରାର୍ଥୀ ମାନଙ୍କୁ ତାଲିମ ଦେବା ଆରମ୍ଭ କରିଛନ୍ତି। ଉଦଘାଟନୀ କାର୍ଯ୍ୟକ୍ରମରେ ଜିଲା କୁସ୍ତି ସଂଘର ସମ୍ପାଦକ ରବି ପଟ୍ଟନାୟକ, ସଦସ୍ୟ ଅରବିନ୍ଦ ସାହୁ, ଲକ୍ଷ୍ମଣ ମେହେର, ପୂର୍ବତନ ଜିଲା କ୍ରିଡାଧିକାରୀ ଉପେନ୍ଦ୍ର ଶତପଥି, ଶାନ୍ତି ଦେବୀ ଗୋପେ, ସଶ୍ମିତା ବରାଳ କୁସ୍ତି ଖେଳାଳି ମାନଙ୍କୁ ଉତ୍ସାହିତ କରିଥିଲେ। କାର୍ଯ୍ୟକ୍ରମରେ ସମ୍ପାଦକ ସୁବାଷ ଚନ୍ଦ୍ର ବେହେରା ସୂଚନା ପ୍ରଦାନ କରିଥିଲେ। ସମ୍ବଲପୁରର ଖେଳାଳି ମାନଙ୍କୁ ବିଶ୍ୱସ୍ତରରେ ପହୁଞ୍ଚାଇବାକୁ ନେଇ ସାଓଲିନ କୁମ୍ଫୁ ଉଷୁ ଅନୁଷ୍ଠାନ ପକ୍ଷରୁ ଚାଲିଥିବା ଉଦ୍ୟମ ପାଇଁ ଆୟୋଜିତ ଏହି ଶିବିରର ଆୟୋଜନରେ ଗାୟତ୍ରୀ ମିଶ୍ର, ସ୍ନିଗ୍ଧାରାଣୀ ଭାଜି, ସୋନୁ ପ୍ରସାଦ ସୋନାର, ସମୀର ଷଡଙ୍ଗୀ, ସ୍ୱାଗତ କୁମାର ବଢ଼େଇ, ଭାଗ୍ୟସିନୀ ବରାଳ, ଆଦ୍ୟାସା ତ୍ରିପାଠୀ, ପ୍ରିୟଙ୍କା ମିତ୍ତଲ, ଆଶିଷ ସାହୁ, ଦିବ୍ୟକରିସ୍ମା ପୃଷ୍ଟି, ପୁଷ୍ପାଞ୍ଜଳି ସାହୁ ପ୍ରମୁଖ ସକ୍ରିୟ ସହାୟତା କରୁଛନ୍ତି। କୋଭିଡ ନିୟମାନୁଯାୟୀ ଏହି କାର୍ଯ୍ୟକ୍ରମ ଆୟୋଜିତ କରାଯାଉଛି। ସୂଚନାଯୋଗ୍ୟ ଯେ, ପ୍ରଶିକ୍ଷିକା ମନିଷା ବିଶ୍ୱସ୍ତରୀୟ ପ୍ରତିଯୋଗିତା, ଏସିଆ ମହାଦ୍ୱୀପ ସ୍ତରୀୟ ପ୍ରତିଯୋଗିତା, କମନ ୱେଲଥ ଗେମ ଆଦି ଖେଳରେ ଭାରତୀୟ କୁସ୍ତି ଦଳର କୋଚ ଦାୟିତ୍ୱ ବହନ କରି ଦେଶ ପାଇଁ ପଦକ ଆଣି ଦେଶକୁ ଗୌରବାନ୍ୱିତ କରିଛନ୍ତି।
Popular Categories
Previous article
Next article