ପାତ୍ରପୁର: ପାତ୍ରପୁର ବ୍ଳକ ସାମନ୍ତିଆ ପଲ୍ଲୀ ପାତ୍ରପୁର ରାସ୍ତାର ବାଗଦେବୀ ମନ୍ଦିର ନିକଟରେ ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଚାରିଜଣ ଆହତ ହୋଇଛନ୍ତି। ସେଥିମଧ୍ୟରୁ ତିନିଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବ୍ରହ୍ମପୁର ସ୍ଥାନାନ୍ତରିତ କରାଯାଇଛି। ଆହତମାନେ ହେଲେ ବରଙ୍ଗ ଗ୍ରାମର ସୁଶାନ୍ତ ରାଉଳ ତାଙ୍କ ପତ୍ନୀ ଜୟନ୍ତୀ ରାଉଳ, ଅଭୟପୁରର କେ.ସୁଦାମ ଏବଂ ଚିକିଟି ବ୍ଳକ ମଇସାନ ପୁରର କେ.ମନୋଜ କୁମାର ବୋଲି ଜଣାପଡ଼ିଛି।
ଖବରରୁ ପ୍ରକାଶ ଯେ ଆଜି ସୁଶାନ୍ତ ନିଜ ଗର୍ଭବତୀ ପତ୍ନୀଙ୍କ ସ୍ୱାସ୍ଥ୍ୟ ପରୀକ୍ଷା କରିବା ପାଇଁ ବାଇକ ଯୋଗେ ଗ୍ରାମରୁ ପାତ୍ରପୁର ଡାକ୍ତରଖାନାକୁ ଆସୁଥିବା ବେଳେ ବିପରୀତ ଦିଗରୁ ଆସୁଥିବା ବାଇକ ସହିତ ମୁହାଁମୁହିଁ ଧକ୍କା ହୋଇଥିଲା। ଫଳରେ ସମସ୍ତେ ରାସ୍ତାରେ ଛିଟିକି ପଡି ଥିଲେ। ତୁରନ୍ତ ଆହତମାନଙ୍କୁ ଚିକିତ୍ସା ପାଇଁ ୧୦୮ଯୋଗେ ପାତ୍ରପୁର ନିଆଯାଇ ଥିଲା। ସେଠାରୁ ତିନି ଜଣ ଗୁରୁତର ଥିବାରୁ ସେମାନଙ୍କୁ ବ୍ରହ୍ମପୁର ଡାକ୍ତର ଖାନାକୁ ସ୍ଥାନାନ୍ତରିତ କରାଯାଇଛି।
