ଭୁବନେଶ୍ୱର – ଯାଜପୁରରେ ଥିବା ନୀଳଚଳ ଇସ୍ପାତକୁ ଟାଟା କିଣିବ ବୋଲି କେନ୍ଦ୍ର ସରକାରଙ୍କ ପକ୍ଷରୁ ସୂଚନା ଜାରି କରାଯାଇଛି । କେନ୍ଦ୍ର କ୍ୟାବିନେଟର ଅର୍ଥନୈତିକ ବ୍ୟାପର କମିଟି ଏହି ନିଷ୍ପତ୍ତି ନେଇଛି । ୧୨ ହଜାର ୧୦୦ କୋଟି ଟଙ୍କାରେ ନିଲାମ କରାଯାଇଥିବା ସୂଚନା ଦିଆଯାଇଛି । ଗତ ଦୁଇ ବର୍ଷ ହେବ ପ୍ରବଳ କ୍ଷତି ଯୋଗୁଁ ଏହି କମ୍ପାନୀ ବନ୍ଦ ରହିଛି । ମାର୍ଚ୍ଚ ୩୦, ୨୦୨୦ ମସିହାଠାରୁ ଏହି କମ୍ପାନୀ ବନ୍ଦ ରହିଛି । ଏଥିପାଇଁ ସରକାର ଏହାକୁ ବିକ୍ରି କରିବାକୁ ନିଷ୍ପତ୍ତି ନେଇଥିଲେ ।
ଡକାଯାଇଥିବା ନିଲାମ ପ୍ରକ୍ରିୟାରେ ଜିନ୍ଦଲ,ଟିଏସ୍ଏଲ୍ପି ଏବଂ ନଲଓ୍ୱା ଷ୍ଟିଲ୍ ଆଣ୍ଡ ପାଓ୍ୱାର ଅଂଶ ଗ୍ରହଣ କରିଥିଲେ । ଟାଟାଷ୍ଟିଲ୍ ଆଣ୍ଡ ପାଓ୍ୱାର ସର୍ବାଧିକ ମୂଲ୍ୟ ଦେଇଥିବାରୁ ଏହାକୁ ବିକ୍ରି କରିବାକୁ କେନ୍ଦ୍ର କ୍ୟାବିନେଟ୍ ନିଷ୍ପତ୍ତି ନେଇଛନ୍ତି । ନୀଳାଚଳ ଇସ୍ପାତ ଉପରେ ୬ ହଜାର ୬ ଶହ କୋଟିରୁ ଅଧିକ ଟଙ୍କାର ଋଣ ଏବଂ ଆର୍ଥିକ ବୋଝ ରହିଛି ।
Comments are closed.