ବାଙ୍କୀ: ବାଙ୍କୀ ଉପଖଣ୍ଡରେ ନିଷ୍ଠାପର ଭାବରେ କୋଭିଡ ନିୟନ୍ତ୍ରଣ କରିବାରେ କାର୍ଯ୍ୟ କରିଥିବା ସ୍ୱାସ୍ଥ୍ୟକର୍ମୀ, ଆଶା କର୍ମୀ ଏବଂ ସଫେଇ କର୍ମଚାରୀମାନଙ୍କ ପ୍ରମୁଖ ଭୂମିକା ରହିଛି। ସେମାନେ କୋଭିଡ କାର୍ଯ୍ୟକ୍ରମରେ ସାମିଲ ହୋଇ ଜନସାଧାରଣଙ୍କୁ ଏହି ସଂକ୍ରମଣ ଦାଉରୁ ରକ୍ଷା କରିଛନ୍ତି। ଏଣୁ ସାଧାରଣତନ୍ତ୍ର ଦିବସ ଅବସରରେ ବାଙ୍କୀ ଉପଖଣ୍ଡରେ କୋଭିଡ ନିୟନ୍ତ୍ରଣ କରିବାରେ କାର୍ଯ୍ୟ କରିଥିବା ସ୍ୱାସ୍ଥ୍ୟକର୍ମୀ, ଆଶା କର୍ମୀ ଏବଂ ସଫେଇ କର୍ମଚାରୀମାନଙ୍କୁ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସମ୍ମୁଖ ଯୋଦ୍ଧା ଭାବରେ ସମ୍ବର୍ଦ୍ଧିତ ଓ ସମ୍ମାନିତ କରାଯାଇଛି। ବାଙ୍କୀ ଉପଜିଲାପାଳ ରଞ୍ଜନ କୁମାର ଜେନା ୨୦ଜଣ ସମ୍ମୁଖ ଯୋଦ୍ଧାଙ୍କୁ ପ୍ରଶଂସାପତ୍ର ସହ ଉପଢ଼ୌକନ ଓ ଫୁଲତୋଡା ଦେଇ ସମ୍ବର୍ଦ୍ଧିତ କରିଛନ୍ତି। ସୂଚନା ଓ ଲୋକ ସମ୍ପର୍କ ବିଭାଗର ସୂଚନାକ୍ରମରେ ବାଙ୍କୀ ଉପଖଣ୍ଡ ଚିକିତ୍ସାଳୟର ବରିଷ୍ଠ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ଡାକ୍ତର ପ୍ରଭାତ ଚନ୍ଦ୍ର ଦାସ, ସେବିକା ପ୍ରଭାସିନୀ ପଣ୍ଡା, ତନୁବାଳା ସାହୁ, ନିଶିକାନ୍ତ ରାଉତରାୟ, ସୁବର୍ଣ୍ଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ମୋନାଲିଶା ରାଉତରାୟ, ଡାକ୍ତର ଇନ୍ଦିରା ପ୍ରିୟଦର୍ଶିନୀ, ଆଶିଷ କୁମାର ବିଭୂତିରାୟ, ସ୍ୱାସ୍ଥ୍ୟ ପରିଦର୍ଶକ ସୁଦର୍ଶନ ସାହୁ, ଡମପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଡାକ୍ତର ନିଲିପ୍ତା ମହାନ୍ତି, ଆଶା ସାଥୀ ସୁଜତା ସାହୁ, ଶରତ ଚନ୍ଦ୍ର ମୁଳିଆ, ସ୍ୱାସ୍ଥ୍ୟକର୍ମୀ ଅଶୋକ କୁମାର ମହାପାତ୍ର, ଅଙ୍ଗନବାଡିକର୍ମୀ ସକୁନ୍ତଳା ସାହୁ, ବିଳାସିନୀ ମହାପାତ୍ର, ଆରତୀ ସାମଲ, ଲିପିକା ତ୍ରିପାଠୀ, ଉପଆରକ୍ଷୀ ନିରିକ୍ଷକ ମଧୁସ୍ମିତା ବେହେରା, ସହକାରୀ ଉପନିରିକ୍ଷକ ସମୀର କୁମାର ଲେଙ୍କା, ସଫେଇ କର୍ମୀଚାରୀ ପିତବାସ ନାୟକ ଓ କିଶାନ୍ ନାୟକ ଯଥାକ୍ରମେ ସମ୍ବର୍ଦ୍ଧିତ ହୋଇଛନ୍ତି। ସମ୍ବର୍ଦ୍ଧନା କାର୍ଯ୍ୟକ୍ରମକୁ ସୂଚନା ଓ ଲୋକ ସମ୍ପର୍କ ଅଧିକାରୀ କାଳିଚରଣ ତ୍ରିପାଠୀ ପରିଚାଳନା କରିଥିଲେ।
Comments are closed.