ୱାଶିଂଟନ : ଆମେରିକାରେ କରୋନା ଭୂତାଣୁର ଡେଲ୍ଟା ପ୍ରକରଣ ତୁଳନାରେ ଓମିକ୍ରନ ଭାରିଆଣ୍ଟରେ ପ୍ରତିଦିନ ଅଧିକ ଲୋକଙ୍କ ମୃତ୍ୟୁ ହେଉଥିବା ନେଇ ଖବର ସାମ୍ନାକୁ ଆସିଛି। ଆସନ୍ତା କିଛି ଦିନ ଓ ସପ୍ତାହ ମଧ୍ୟରେ ମୃତକଙ୍କ ସଂଖ୍ୟା ବୃଦ୍ଧି ପାଇବା ନେଇ ମଧ୍ୟ ଆଶଙ୍କା କରାଯାଉଛି। ଆମେରିକାରେ ମୃତକଙ୍କ ସଂଖ୍ୟା ବୃଦ୍ଧି ନଭେମ୍ବର ମଧ୍ୟ ଭାଗରୁ ଦେଖାଯାଉଛି। ଗୁରୁବାର ଏହା ୨,୨୬୭ ପହଞ୍ଚିଥିବା ବେଳେ ସେପ୍ଟେମ୍ବରରେ ୨,୧୦୦ ପାର ହୋଇଥିଲା। ଯେଉଁ ସମୟରେ ଡେଲ୍ଟା ଭାରିଆଣ୍ଟ ଚରମ ସୀମାରେ ଥିଲା। କିଛି ରିପୋର୍ଟ ଅନୁଯାୟୀ ଓମିକ୍ରନରେ ଲକ୍ଷାଧିକ ଲୋକଙ୍କ ମୃତ୍ୟୁ ହେବାର ସମ୍ଭାବନା ରହିଛି। ଆମେରିକାରେ କରୋନା ଭୂତାଣୁ କାରଣରୁ ୮,୭୮,୦୦୦ ଲୋକଙ୍କର ମୃତ୍ୟୁ ହୋଇଛି। ମୃତକଙ୍କ ସଂଖ୍ୟା ମଧ୍ୟରେ ଏହା ଶୀର୍ଷରେ ରହିଛି ବୋଲି ସୂଚନା ମିଳିଛି।
ଆମେରିକାରେ କରୋନା ; ଡେଲ୍ଟା ତୁଳନାରେ ଓମିକ୍ରନରେ ମୃତ୍ୟୁ ଅଧିକ
Popular Categories
Previous article
Next article