ୱିଲ୍ମିଂଟନ୍ : ସାମୁଦ୍ରିକ ଝଡ଼ ଫ୍ଲୋରେନ୍ସ ଶନିବାର ଆମେରିକାର ଉତ୍ତର କରୋଲିନା ଉପକୂଳ ଅଞ୍ଚଳରେ ବ୍ୟାପକ କ୍ଷତି ଘଟାଇଛି। ଦକ୍ଷିଣ କରୋଲିନାରେ ମଧ୍ୟ ଏହା ତାଣ୍ଡବ ସୃଷ୍ଟି କରିଛି। ଝଡ଼ ଯୋଗୁଁ ପ୍ରବଳ ବର୍ଷା(୩୦ରୁ ୪୦ଇଞ୍ଚ)ରେ ବିଭିନ୍ନ ନଦୀରେ ବନ୍ୟା ଦେଖାଦେଇଛି। ପ୍ରାୟ ୧୨୦କିମି ବେଗରେ ପବନ ବହିବା ଯୋଗୁଁ ବହୁ ସଂଖ୍ୟାରେ ଗଛ ଓ ବାସଗୃହ ଭାଙ୍ଗିରୁଜି ଯାଇଛି। ଏଥିରେ ମୋଟ ୫ଜଣଙ୍କ ମୃତ୍ୟୁ ଘଟିଥିବାବେଳେ ୩୦ହଜାରରୁ ଅଧିକ ଗୃହଶୂନ୍ୟ ହୋଇଛନ୍ତି। ବିଭିନ୍ନ ଆଶ୍ରୟସ୍ଥଳରେ ୨୩ହଜାର ଲୋକଙ୍କୁ ଥଇଥାନ କରାଯାଇଛି। ପ୍ରାୟ ୩ନିୟୁତ ଲୋକ ଅନ୍ଧାରରେ ରହିଛନ୍ତି। ମୋଟ ୧୦ନିୟୁତ ଜନତା ପ୍ରଭାବିତ ହୋଇଥିବା ଜଣାପଡ଼ିଛି। ସରକାରଙ୍କ ପକ୍ଷରୁ ଏହି ଝଡ଼ବାତ୍ୟାକୁ ତୃତୀୟ ବର୍ଗର ହରିକେନ୍ ଆଖ୍ୟା ଦିଆଯାଇଛି। ଶୁକ୍ରବାର ଫ୍ଲୋରେନ୍ସ ଉପକୂଳ ଛୁଇଁଥିବାବେଳେ ଶନିବାର ପଶ୍ଚିମ-ଦକ୍ଷିଣ ଦିଗରେ ଗତିଶୀଳ ହୋଇ ଓହିଓ ଆଡ଼େ ମୁହାଁଇଛି।
Popular Categories
Previous article
Next article