ଶ୍ରୀନଗର : ଜାମ୍ମୁ-କାଶ୍ମୀରର ଅନନ୍ତନାଗ ଓ କୁଲଗାଓଁ ଜିଲାରେ ବୁଧବାର ହୋଇଥିବା ଦୁଇଟି ଗୁଳିବିନିମୟ ଘଟଣାରେ ୩ ଆତଙ୍କବାଦୀ ପ୍ରାଣ ହରାଇଛନ୍ତି। ଏହି ଗୁିବିନିମୟରେ ଜଣେ ପୁଲିସ କର୍ମଚାରୀ ଆହତ ହୋଇଛନ୍ତି। ଗୁଲଗାଓଁ ଜିଲାର ମିରହାମା ଅଞ୍ଚଳରେ ହୋଇଥିବା ଗୁଳିବିନିମୟ ୩ଜଣ ଆତଙ୍କବାଦୀ ପ୍ରାଣ ହରାଇଛନ୍ତି। ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇଁ ସେନା, ସିଆରପିଏଫ୍ ଓ ପୁଲିସ ପକ୍ଷରୁ ମିଳିତ ଭାବେ ଅଭିଯାନ ହୋଇଥିଲା। ଏହି ଅଭିଯାନ ସମୟରେ ଉଭୟ ପକ୍ଷ ମଧ୍ୟରେ ଗୁଳିବିନିମୟ ହୋଇଥିବାବେଳେ ଏଥିରେ ୩ ଆତଙ୍କବାଦୀ ପ୍ରାଣ ହରାଇଥିଲେ। ସେହିପରି ଅନନ୍ତନାଗ ଜିଲାର ଦୂର ଅଞ୍ଚଳରେ ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇ ସୁରକ୍ଷାବାହିନୀଙ୍କ ପକ୍ଷରୁ ତଲାସ ଅଭିଯାନ ଆରମ୍ଭ ହୋଇଥିଲା। ଏହି ଅଭିଯାନ ସମୟରେ ଉଭୟ ପକ୍ଷ ମଧ୍ୟରେ ଗୁଳିବିନିମୟ ହୋଇଥିଲା। ଦୁଇଘଣ୍ଟାର ଗୁଳିବିନିମୟରେ ୨ ସେନା କର୍ମଚାର ଓ ଜଣେ ପୁଲିସ କର୍ମଚାରୀ ଆହତ ହୋଇଛନ୍ତି।
Popular Categories
Previous article
Next article