ସମ୍ବଲପୁର: ସାରା ଦେଶରେ ସମ୍ବଲପୁର ଜିଲା ପାଇଁ ମାତ୍ର ସାଢ଼େ ୩ ବର୍ଷର କୁନି ପୁଅ ସୁଲିନ ସଂକଳ୍ପ ଦାସ ଗୌରବ ଆଣି ଦେଇଛନ୍ତି। ସେ ନିଜର ବିଚକ୍ଷଣ ପ୍ରତିଭା ପାଇଁ ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛନ୍ତି। ସମ୍ବଲପୁର ସହରର ଭତରା ଲକ୍ଷ୍ମୀ ବିହାର ନିବାସୀ କୁନି ବଙ୍କଳ ସୁଲିନ ତାଙ୍କର ଅସାଧାରଣ ପ୍ରତିଭା ବଳରେ ଇଣ୍ଡିଆ ବୁକ ଅଫ ରେକର୍ଡର ପରିଚୟ ପତ୍ର ସମେତ ପ୍ରଶଂସା ପତ୍ର ଓ ମ୍ୟାଡେଲ ପାଇଛନ୍ତି। ସେ ପିଲା ଦିନରୁ ତାଙ୍କର ସ୍ମରଣଶକ୍ତି ବେଶ ଶକ୍ତିଶାଳୀ ହୋଇଥିବା ବେଳେ ସେ ଏବେ ପର୍ଯ୍ୟନ୍ତ ବିଦ୍ୟାଳୟକୁ ଯାଇ ନାହାନ୍ତି। କିନ୍ତୁ ତାଙ୍କର ପାଠ ପ ଢ଼ିବା ପାଇଁ ପ୍ରବଳ ଆଗ୍ରହ ରହିଥିବାରୁ ସେ ଲ୍ୟାପଟପରେ ସବୁ ଜୀବଜନ୍ତୁ ସହ ପଶୁପକ୍ଷୀଙ୍କ ଫଟୋ ଦେଖି ସେମାନଙ୍କ ନାମ ଇଂରାଜୀରେ ସ୍ପଷ୍ଟ ଭାବରେ କହିପାରୁଥିବା ସହ ଦେଶର ସବୁ ରାଜ୍ୟ ଗୁଡିକର ନାମ ମଧ୍ୟ କହିପାରୁଛନ୍ତି। ତାଙ୍କର ଏଭଳି ପ୍ରତିଭାକୁ ଦେଖି ତାର ଭିଡିଓ ଉତ୍ତୋଳନ କରି ପିତା ସତ୍ୟଜିତ ଦାଶ ଓ ସଶ୍ମିତା ମହାଣା ଇଣ୍ଡିଆ ବୁକ ଅଫ ରେକର୍ଡକୁ ପଠାଇଥିଲେ। ସମସ୍ତ ବର୍ଗରେ ସଫଳତାର ସହିତ ସୁଲିନ ଉତ୍ତିର୍ଣ୍ଣ ହେବା ପରେ ତାଙ୍କୁ ମାନ୍ୟତା ସ୍ୱରୂପ ପ୍ରମାଣପତ୍ର, ମେଡଲ ଆଦି ପ୍ରଦାନ କରାଯାଇଛି। କୁନି ପ୍ରତିଭା ସୁଲିନ ଙ୍କ ଏହି କୃତୀତ୍ୱ ପାଇଁ ସବୁ ମହଲରୁ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିଛି।
Popular Categories
Previous article
Next article