ନୂଆଦିଲ୍ଲୀ – ଟେଲିକମ୍ କମ୍ପାନୀମାନେ ଏବେ ଦୁଇ ବର୍ଷ ପରଯ୍ୟନ୍ତ ଆପଣଙ୍କ କଲ୍ ଡାଟା ସୁରକ୍ଷିତ ରଖିବେ । କଲ୍ ଡାଟା ସହ କଲ୍ ହିଷ୍ଟ୍ରି ଦୁଇ ବର୍ଷ ପର୍ଯ୍ୟନ୍ତ ସୁରକ୍ଷିତ ରଖିବା ପାଇଁ ଦୂର ସଂଚାର ବିଭାଗ ଟେଲିକମ୍ କମ୍ପାନୀମାନଙ୍କୁ ନିର୍ଦେଶ ଦେଇଛନ୍ତି । ସୁରକ୍ଷା କାରଣରୁ ଗ୍ରାହକମାନଙ୍କର କଲ୍ ଡାଟା ଏବଂ ଇଣ୍ଟରନେଟ୍ ତଥ୍ୟ ସାଇତି ରଖିବା ପାଇଁ ନିର୍ଦେଶ ଦିଆଯାଇଛି । ଏଥିପାଇଁ ୨୧ ଡିସେମ୍ବରରେ ସୂଚନା ଜାରି କରାଯାଇଥିଲା । ୨୨ ଡିସେମ୍ବରରୁ କଲ୍ ଡାଟା ଏକ ବର୍ଷରୁ ବୃଦ୍ଧି କରି ଦୁଇ ବର୍ଷ କରାଯାଇଛି ।
ଦୂର ସଂଚାର ବିଭାଗର ସର୍କୁଲାର ଅନୁସାରେ ଲାଇସେନ୍ସ ଧାରକ, ସମସ୍ତ ବ୍ୟବସାୟିକ ରେକର୍ଡ ଏବଂ କଲ୍ ରେକର୍ଡ ଡ,ଏକ୍ସଚେଂଜ ରେକର୍ଡ ଆଇପି ଡିଟେଲ୍କୁ ୨ ବର୍ଷ ପର୍ଯ୍ୟନ୍ତ ସାଇତି ରଖିବା ପାଇଁ କୁହାଯାଇଛି ।
ଏହା ସହ ଇଣ୍ଟରନେଟ୍ ଡାଟା ରେକର୍ଡକୁ ଦୁଇ ବର୍ଷ ପର୍ଯ୍ୟନ୍ତ ସାଇତି ରଖିବା ପାଇଁ କୁହାଯାଇଛି । ଏଥିରେ ଓ୍ୱାଇଫାଇ କଲିଂ , ଲଗ୍ଇନ୍ ଲଗ୍ ଆଉଟ୍ ସହ ସମସ୍ତ ତଥ୍ୟ ସୁରକ୍ଷିତତ ରହିବ । ପୂର୍ବରୁ ଏହା ଏକ ବର୍ଷ ପର୍ଯ୍ୟନ୍ତ ସାଇତି ରଖିବା ପାଇଁ ନିୟମ ଥିଲା ।
